Rasija apaviaściła Ukrainu praź Biełaruś ab pradaŭžeńni zbožžavaj uhody
Maryja Zacharava supravadziła infarmacyju pra heta narakańniem na niedaskanałaść sučasnaha śvietu.
Ukrainski bok praź Biełaruś byŭ apavieščany ab praciahu «zbožžavaj uhody» na 60 dzion, zajaviła ŭ subotu aficyjnaja pradstaŭnica Ministerstva zamiežnych spraŭ Rasii Maryja Zacharava.
«U śviecie, dzie mužčyny abviaščajucca žančynami, a małdaŭskaja mova — rumynskaj, možna, viadoma, i dakumienty nie zdoleć pračytać. Ale ŭsio ž ukrainski bok praź biełaruskich kaleh byŭ apavieščany ab 60 dniach, jak i turecki, a taksama Hienieralny sakratar AAN», — napisała Zacharava ŭ svaim telehram-kanale.
Raniej u Turcyi abviaścili, što ŭhoda pradoŭžanaja na 120 dzion, ale Maskva nastojvaje, što pahadziłasia tolki na 60 dzion. Niuans situacyi ŭ tym, što paśla vyzvaleńnia Ukrainaj vostrava Źmiainy Rasija bolš nie kantraluje zachodniuju častku Čornaha mora, a značyć, i nie moža pieraškodzić ruchu kanvojaŭ z Adesy.
Kijeŭ patrabuje raspaŭsiudžańnia ŭhody na party Mikałajeŭskaj vobłaści, Maskva nie pahadžajecca. Adnak takaja mahčymaść źjavicca aŭtamatyčna ŭ vypadku vyzvaleńnia Kinburnskaj piarespy.
Prapahandystka ANT Natalla Stelmach źmianiła imia na Naci Ryšna i zarablaje ŭ Mieksicy na šamanach i narkatyčnych hrybach40
Kamientary