Łukašenka: «U aktyŭnuju fazu ŭstupili maštabnyja pryvatyzacyjnyja pracesy»
Jon sustreŭsia z delehacyjaj niamieckich biznesoŭcaŭ, jakija pryjechali na sioletni «Minski forum».
Alaksandr Łukašenka sustreŭsia z delehacyjaj niamieckich biznesoŭcaŭ, jakija pryjechali na sioletni «Minski forum». Jon prapanavaŭ razhledzieć mahčymaść stvareńnia niaŭradavaje biełaruska‑niamieckaje Rady dziełavoha supracoŭnictva.
Alaksandr Łukašenka ličyć, što ŭ Biełarusi jość šmat halin, kudy mohuć pryjści hiermanskija inviestary. «Pierš za ŭsio heta tyja śfiery, u jakich vy źjaŭlajeciesia pryznanymi liderami: aŭtamabilnaje i sielskahaspadarčaje mašynabudavańnie, chimičnaja i naftachimičnaja haliny, enierhietyka, vysokija technałohii», — skazaŭ jon, źviartajučysia da hiermanskich haściej.
Na jahonuju dumku, vialikija mahčymaści jość u nas dla ŭzajemadziejańnia z Hiermanijaj u ramkach maštabnych prajektaŭ pa raźvićci infrastruktury, pierapracoŭčaj pramysłovaści i sielskaj haspadarki.
«Dumaju, što našym hiermanskim siabram čas surjozna zadumacca ab adkryćci svajho banka ŭ Biełarusi», — skazaŭ jon taksama.
Alaksandr Łukašenka adznačyŭ, što «ŭ nas stvorany spryjalnyja ŭmovy dla pryciahnieńnia kapitałaŭ u pryvatyzacyju dziaržaŭnaj ułasnaści, raźvićcio małych i siarednich haradoŭ, svabodnych ekanamičnych zon».
Jon kanstatavaŭ, što za apošni čas u Biełarusi zrobleny kompleks zachadaŭ, skiravanych «na libieralizacyju ekanomiki i stvareńnie spryjalnaha biznes‑asiarodździa». «U aktyŭnuju fazu ŭstupili maštabnyja pryvatyzacyjnyja pracesy», ‑‑ adznačyŭ Łukašenka.
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA16
Kamientary