Kamitet dziaržkantrolu prypyniŭ pracu adnoj z kramaŭ sietkavaha rytejlera «Marcin» u Mahilovie. Pryčynaj, jak paviedamlaje pres-słužba viedamstva, stali hrubyja parušeńni zakanadaŭstva.
Praviaralščyki vyjavili fakty prodažu praterminavanych tavaraŭ, uklučajučy pradukcyju ŭłasnaha kulinarnaha cecha, na sumu bolš čym 120 rubloŭ.
Taksama pakupnikam prapanoŭvalisia padhniłyja pamidory. A bolš za 30 najmieńniaŭ tavaraŭ nie ŭtrymlivali markiroŭki i nieabchodnaj infarmacyi pra ich. Heta, naprykład, kaŭbasy, miasnyja paŭfabrykaty, zamarožanyja harodnina, rybnyja vyraby.
U dadatak da ŭsiaho supracoŭniki Kamiteta dziaržkantrolu vykryli kramu ŭ parušeńni zakanadaŭstva ab markiroŭcy ŭnifikavanymi kantrolnymi znakami i paradku raspracoŭki pieraliku tavaraŭ, jakija abaviazkova pavinny być u najaŭnaści.
Handlovy abjekt taksama zavysiŭ ceny na paŭfabrykaty ź miasa ptuški.
Pa vynikach pravierak vydadzieny pradpisańni, krama ŭ adkaz pryniała miery reahavańnia.
U BDU pa inicyjatyvie Kamiteta dziaržaŭnaha kantrolu zjavicca novaja śpiecyjalnaść
Što za studentka Uljana, ź jakoj na bali valsiravaŭ Łukašenka?18
Kamientary