Bolš za paŭtara miesiaca ad palitźniavolenaha Ihara Łosika niama listoŭ, da jaho nie dapuskajuć advakataŭ.
Žurnalist «Svabody», palitviazień Ihar Łosik znachodzicca za kratami z 25 červienia 2020 hoda, u śniežni 2021 jamu prysudzili 15 hadoŭ pazbaŭleńnia voli.
U kastryčniku 2022 hoda ŭłady Biełarusi aryštavali žonku Ihara Darju, jakuju abvinavacili ŭ intervju telekanału «Biełsat» pra Ihara. U lutym 2023 hoda Łosik u navapołackaj kałonii atrymaŭ spahnańnie, praź jakoje viaźniu skasavali doŭhaterminovaje spatkańnie z baćkami. Jano pavinna było adbycca pry kancy sakavika.
3 krasavika novaja advakatka palitviaźnia jeździła ŭ navapołackuju kałoniju, adnak jaje nie puścili da padabaronnaha. Pryčynaj u administracyi nazvali toje, što sam Ihar nie napisaŭ zajavu na sustreču z advakatam. Abaronca napisała piśmovy zapyt na spatkańnie sa svaim padabaronnym bieź jahonaj zajavy, adnak prośbu nie zadavolili. Papiaredniaja sproba advakata trapić da Ihara adbyłasia 10 sakavika i mieła taki ž vynik.
5 krasavika «Svabodzie» stała viadoma, što Ihara Łosika znoŭ źmiaścili ŭ ŠIZA, druhi raz zapar. Na jaki termin i pa jakoj pryčynie, pakul nieviadoma.
Raniejšaha advakata Ihara Łosika Arcioma Siamjanava zatrymali ŭ Minsku 20 sakavika. Siamjanavu prysudzili 15 sutak nibyta za niepadparadkavańnie milicyi i źmiaścili ŭ CIP. 4 krasavika jaho pierazatrymali na Akreścina i pryznačyli jašče 15 sutak aryštu.
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1515
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu15
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary