Siłaviki zatrymali administratara kanała Anonymous Russia, jaki ŭvachodzić u sietku Killnet. Rasijskija chakiery pahražajuć biełaruskim śpiecsłužbam
«Nie adpuściać Raty — Biełarusi p***a». Rasijskija chakiery dali łukašenkaŭskim śpiecsłužbam čas da ranicy.
Siońnia na kanałach, źviazanych ź sietkaj prarasijskich chakieraŭ Killnet, źjaviłasia paviedamleńnie pra zatrymańnie łukašenkaŭskimi śpiecsłužbami administratara kanała Anonymous Russia pa mianušcy Mr. Raty.
Kanał — całkam prarasijski i prapucinski. U im šmat repostaŭ pramoŭ prezidenta Rasii i dopisaŭ prarasijskaj sietki Killnet, jakaja atakavała šmatlikija celi ŭ Jeŭropie i ZŠA. Asoba samoha Raty nieviadomaja.
Paśla zatrymańnia Raty sietka prarasijskich chakieraŭ pačała pahražać łukašenkaŭskim śpiecsłužbam. «Respublika Biełaruś — u čornym śpisie», — napisaŭ u svaim telehram-kanale Killmilk, zasnavalnik hrupy Killnet.
Adviedzieny chakierami čas zakančvajecca kala siomaj ranicy pa Minsku. Kali paśla hetaha Raty nie vypuściać, to jany abiacajuć atakavać infrastrukturu biełaruskich uładaŭ.
Abnoŭlena. Paźniej rasijskija chakiery vydalili pahrozy ŭ adras biełaruskich uład, jaki raźmiaścili, daviedaŭšysia pra zatrymańnie paplečnika.
«Naša Niva» — bastyjon biełaruščyny
PADTRYMAĆUsio zdaryłasia na Novy hod. Śmierć samaj publičnaj supracoŭnicy minskaha AMAPa dahetul pakidaje pytańni7
Kamientary