Paŭdniovaja Kareja zabaraniła ŭvoz u Biełaruś aŭtamabilaŭ, daražejšych za $50 tysiač
Urad Paŭdniovaj Karei pašyryŭ abmiežavańni na ekspart pradukcyi ŭ Biełaruś.
Stała viadoma, što Paŭdniovaja Kareja zabaraniła ŭvoz u Biełaruś aŭtamabilaŭ i zapčastak, cana jakich pieravyšaje 50 tysiač dalaraŭ, piša vydańnie av.by.
Paviedamlajecca, što ŭrad Paŭdniovaj Karei pašyryŭ abmiežavańni na ekspart pradukcyi ŭ Biełaruś, a taksama ŭ Rasiju. Tak, śpis tavaraŭ, jakija zabaronienyja da pastavak u nazvanyja krainy, byŭ pavialičany z 57 da 798 pazicyj. Udakładniajecca, što novyja praviły buduć dziejničać z 28 krasavika.
Z hetaha dnia budzie ŭviedzieny žorstki ekspartny kantrol na pastaŭki nastupnych tavaraŭ. Havorka idzie pra aŭtamabili, aŭtazapčastki, tavary, źviazanyja z paŭpravadnikami, chimičnaj, staleliciejnaj, mašynabudaŭničaj pramysłovaściu. Taksama paznačany kvantavyja kampjutary i padšypniki.
Adznačajecca, što Ministerstva handlu Paŭdniovaj Karei budzie sačyć za vykanańniem pastanovy, kab pieraličanyja tavary nie patrapili ŭ Biełaruś ci ž u Rasiju praz trecija krainy. Razam z tym udakładniajecca, što pad zabaronu trapili mašyny i zapčastki koštam ad 50 tysiač dalaraŭ i vyšej.
Lada pakazała svoj pieršy elektramabil. Jaho budujuć na bazie Dacia Logan MCV rodam z 2006 hoda
Jak adroźnivajucca ceny na novyja aŭto ŭ Jeŭropie i Biełarusi
«Pradajecca ŭ suviazi ź pierajezdam». Ci šmat biełarusaŭ pradaje mašyny z-za emihracyi?
Kamientary
Naviernoje dumajut ,čto ahł priam u nich mašinu siebie vybirajet )))
A tačiek diešievle połtosa užie praktičieski nie ostałoś.