Jak u Salihorsku čatyry čynoŭniki pravili złamanuju łaŭku na prośbu vieterana vajny
Vieteran vajny, invalid 2 hrupy Fiodar Ihnatavič źviarnuŭsia ŭčora na telefonnuju liniju da namieśnika staršyni Minskaha abłasnoha vykanaŭčaha kamiteta Alaksandra Kručanava. Heta byŭ zvarot ad imia žycharoŭ druhoha padjezda doma №25 pa vulicy Lenina Salihorska.
— U nas kala padjezda staić pa dźvie łaŭki. Adnu ź ich zamianili, a druhuju — nie. Nu što kaštuje čatyry draŭlanyja rejki zamianić u złamanaj łavačcy? Niaŭžo my, žyvučy ŭ 21 stahodździ, nie možam heta vypravić! Čamu nie vyrašyli hetyja pytańni miascovyja ŭłady, ja ździŭlajusia, — aburaŭsia piensijanier.
— Ja sam ździŭlajusia, — pryznaŭsia Alaksandr Kručanaŭ.
Dalejšyja padziei apisvaje «Minskaja praŭda».
«Jon tut ža nabraŭ pa telefonie namieśnika staršyni Salihorskaha rajonnaha vykanaŭčaha kamiteta Kiryła Alochina i zapatrabavaŭ apieratyŭna vyrašyć hetaje pytańnie.
— Zrabicie siońnia, i kab zrabili spravazdaču pierad Fiodaram Ihnatavičam, — daŭ rasparadžeńnie namieśnik staršyni Minabłvykankama».
Ale na adnoj spravazdačy sprava nie skončyłasia.
Prakantralavać vykanańnie hetaha pytańnia čynoŭnik zahadaŭ hiendyrektaru abłasnoj ŽKH Juryju Kukašuku i staršyni Salihorskaha rajvykankama Andreju Žajłoviču.
Ciapier čytajuć
«Biada, na vialiki žal, užo stupaje na paroh Siniavokaj». Ultymatum Zialenskaha Łukašenku: što budzie dalej?62
Kamientary
Šioł 29 hod...