Zdareńnie adbyłosia ŭ adzin ź dzion na vulicy Anharskaj, paviedamlajuć «Minsk-Naviny».
U 58-hadovaha mužčyny adbyŭsia kanflikt ź nieznajomym čałaviekam, jaki vyhulvaŭ sabaku i nie prybraŭ za im — sabaka spraviŭ patrebu na hazonie.
Mužčyna dastaŭ z kišeni nož, udaryŭ im haspadara žyvioły ŭ hrudzi i syšoŭ.
Paranienaha mužčynu zaŭvažyli susiedzi i vyklikali bryhadu chutkaj dapamohi. Niahledziačy na reanimacyjnyja mierapryjemstvy, paciarpieły pamior u balnicy.
— Abvinavačany dahladaŭ chvoruju maci ŭ jakaści sacyjalnaha rabotnika, sudzimaści nie mieŭ, — prakamientavała namieśnica načalnika adździeła prakuratury horada Minska ŭ nahladzie za adpaviednaściu zakonu sudovych pastanoŭ u kryminalnych spravach Ludmiła Ivanienka. — Padčas sudovaha pasiadžeńnia vinu ŭ inkryminavanym jamu złačynstvie jon admaŭlaŭ, nastojvaŭ, što zabiŭ paciarpiełaha pry pieravyšeńni miežaŭ nieabchodnaj abarony, u zroblenym raskajaŭsia.
Sud pryznaŭ jaho vinavatym u naŭmysnym supraćpraŭnym pazbaŭleńni žyćcia inšaha čałavieka (zabojstvie) i na padstavie č. 1 art. 139 KK asudziŭ na 7 hadoŭ i 6 miesiacaŭ kałonii ŭzmocnienaha režymu. Prysud ustupiŭ u zakonnuju siłu.
U Rasii zatrymali kamandzira desantnikaŭ, jakija źvierstvavali ŭ Bučy. Ale zatrymali jaho za inšaje1
Kamientary