Słuchańni ŭ Łazanie pa spravie biełaruskich kidalnikaŭ mołata Ivana Cichana i Vadzima Dzieviatoŭskaha pieraniesieny z pačatku śniežnia na kaniec studzienia.
Słuchańni pa spravie biełaruskich kidalnikaŭ mołata Ivana Cichana i Vadzima Dzieviatoŭskaha pieraniesieny z 4—5 śniežnia 2009 hoda na 25—27 studzienia 2010 hoda,
paviedamlaje aficyjny sajt Spartyŭnaha arbitražnaha suda ŭ Łazanie. Usie spravy ŭ sudzie razhladajucca ŭ zakrytym režymie.
11 śniežnia minułaha hoda dyscyplinarnaja kamisija Mižnarodnaha alimpijskaha kamiteta pryniała rašeńnie
ab pazbaŭleńni miedaloŭ piekinskaj Alimpijady 31‑hadovaha Vadzima Dzieviatoŭskaha i 32‑hadovaha Ivana Cichana.
Jany abvinavačany va ŭžyvańni dopinhu — harmonu testasteronu. U finalnych spabornictvach Dzieviatoŭski zaniaŭ druhoje miesca, Cichan — treciaje.
U paviedamleńni, apublikavanym na sajcie MAK, havaryłasia, što spartsmieny pavinny viarnuć miedali i dypłomy. Pry hetym Dzieviatoŭskamu pažyćciova zabaroniena brać udzieł u Alimpijskich hulniach, bo jon paŭtorna vykryty ŭ prymianieńni dopinhu.
Spartsmieny svaju vinu nie pryznajuć.«Našy arhumienty ŭ spravie Cichana—Dzieviatoŭskaha vielmi važkija i dajuć šanc na vyjhryš», — zajaviŭ 7 kastryčnika pieršy vice‑prezident Nacyjanalnaha alimpijskaha kamiteta Biełarusi, pamočnik prezidenta pa pytańniach fizičnaj kultury, sportu i raźvićcia turyzmu Hienadź Alaksiejenka. Ministr sportu i turyzmu Aleh Kačan «na 60%» upeŭnieny, što Cichan i Dzieviatoŭski buduć apraŭdany. Biełaruskija spartsmieny stali «zakładnikami vypadku», skazaŭ ministr na pres‑kanfierencyi 22 vieraśnia.
Kamientary