«My budziem ličyć lehitymnym luby vynik», — skazaŭ prezident Turcyi.
Prezident Turcyi Redžep Taip Erdahan zajaviŭ u piatnicu pra hatoŭnaść pakinuć pasadu prezidenta, kali prajhraje na zapłanavanych na 14 maja vybarach, piša TASS.
«My pryjšli da ŭłady ŭ Turcyi demakratyčnym šlacham. Hetak ža, jak my pryjšli da ŭłady, kali naš narod vyrašyć inakš (prahałasuje za kandydata ad apazicyi). My zrobim usio, što nieabchodna dla demakratyi. My budziem ličyć lehitymnym luby vynik, jaki budzie na vybarach», — skazaŭ turecki lidar u intervju tureckim ŚMI za dva dni da vybaraŭ.
Pry hetym Erdahan vykazaŭ upeŭnienaść, što «tureckaja nacyja na vybarach u hetuju niadzielu padtrymaje jaho i jahonuju partyju [Spraviadlivaści i raźvićcia]».
Vybary prezidenta Turcyi pryznačanyja na 14 maja. Redžep Taip Erdahan i lidar apazicyi Kiemal Kyłyčdarohłu ličacca asnoŭnymi pretendentami na najvyšejšuju dziaržaŭnuju pasadu. Dla pieramohi ŭ pieršym tury nieabchodna nabrać 50% hałasoŭ plus adzin hołas. U advarotnym vypadku adbudziecca druhi tur, jaki projdzie 28 maja. Analityki nie vyklučajuć praviadzieńnia vybaraŭ u Turcyi ŭ dva tury. Siońnia ŭ Turcyi — dzień cišyni.
Erdahan — adnahodak Łukašenki, jon naradziŭsia 26 lutaha 1954 hoda. Jon va ŭładzie 20 hadoŭ. Z 2003 pa 2014 hod jon byŭ premjeram Turcyi, z 2014 hoda — prezident krainy.
Vylecieła ŭ nieviadomym kirunku śpikierka KR Anžalika Mielnikava29
Kamientary