Na vystavie vajskovaj techniki pakazali biełaruski supraćtankavy hranatamiot
U skład hranatamiota «Sapfir» uvachodzić transpartna-puskavy kantejnier z hranataj i aŭtanomny puskavy prybor. Dadatkova hranatakidalny kompleks moža asnaščacca pryboram kiravańnia ahniom, paviedamlaje Minabarony.
«Sapfir» maje kalibr 61 mm, daŭžyniu — 750 mm, vaha jaho — 4,5 kh. Jon moža źniščać celi na maksimalnaj dalokaści da 1 000 m, prycelnaj — 500 m.
Bajavaja častka zdolnaja prabić žalezabietonnuju ścianu taŭščynioj da 150 mm, cahlanuju — da 250 mm, a hamahiennuju stalovuju braniu — da 200 mm. Askiepkavaje dziejańnie bojeprypasaŭ dazvalaje źniščać žyvuju siłu ŭ broniekamizelkach u radyusie da 7 m.
A novy vysokaenierhietyčny ruchavik ź minimalnym źmianieńniem ciahi dazvalaje vieści stralbu z zakrytych pamiaškańniaŭ. Stralba moža vieścisia jak adzinkavym vyrabam, tak i kłastaram da čatyroch.
Ciapier čytajuć
«Da akcyi dałučylisia tolki marhinały». Što pisaŭ u čatach paśla svajho vykryćcia kadebešnik, adkazny za biełaruskuju emihracyju1
Kamientary