Kyłyčdarohłu paabiacaŭ vysłać z Turcyi ŭsich biežancaŭ u vypadku pieramohi
Kandydat u prezidenty Turcyi i sapiernik dziejnaha kiraŭnika dziaržavy Kiemal Kyłyčdarohłu zajaviŭ, što kali pieramoža na vybarach i pryjdzie da ŭłady, to adpravić usich uciekačoŭ dadomu, piša RBK sa spasyłkaj na turecki telekanał NTV.
«[Prezident Turcyi Redžep Taip] Erdahan, vy nie abaranili miežy i honar krainy. Vy pryviali ŭ hetuju krainu bolš za 10 młn uciekačoŭ. Jak tolki ja pryjdu da ŭłady, ja adpraŭlu ŭsich uciekačoŭ dadomu», — skazaŭ Kyłyčdarohłu na pres-kanfierencyi z nahody druhoha tura vybaraŭ, jaki adbudziecca 28 maja.
U sakaviku hetaha hoda Erdahan kazaŭ, što ŭ vypadku svajoj pieramohi, nie budzie adpraŭlać biežancaŭ u ich krainy.
«Asnoŭnaja apazicyja kaža: «My adpravim biežancaŭ nazad u ich krainu, kali vyjhrajem vybary». My nie budziem adpraŭlać», — skazaŭ jon.
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary