Minadukacyi: ad CE vyzvalenyja bolš za 500 čałaviek pa krainie
Ad centralizavanaha ekzamienu vyzvalenyja bolš za 500 čałaviek pa krainie, paviedamiŭ namieśnik ministra adukacyi Alaksandr Kadłubaj.
«Pa krainie CE nie zdajuć krychu bolš za 500 čałaviek, dzielicca hetaja kolkaść praparcyjna. Kala 250 u nas — heta pieramožcy alimpijad, i jašče 250 — tyja, chto navučajecca doma. Ličba pa alimpijadach u nas, viadoma, bolšaja, ale chtości z hetych chłopcaŭ i dziaŭčat usio ž taki vyrašyŭ zdavać CE: zarehistravaŭsia i zdaŭ jaho, kab pašyryć svaju trajektoryju pastupleńnia, jak patłumačyli baćki», — patłumačyŭ Kadłubaj.
Jak patłumačyŭ dyrektar RIKV Juryj Miksiuk, ad zdačy CE vyzvalajucca pieramožcy alimpijad. Pieramožcy treciaha etapu majuć prava na vyzvaleńnie ad CE tolki pa adnym pradmiecie — pradmiecie alimpijady. Pieramožcy zaklučnaha, čaćviortaha etapu, u cełym mohuć być vyzvalenyja pa ich žadańni ad vyprabavańniaŭ pa dvuch pradmietach CE.
Vyzvalajucca ad centralizavanaha ekzamienu i tyja, chto prachodzić navučańnie doma albo pa miedycynskich pryčynach nie moža prajści ispyty ŭ vyhladzie CE. Hetaja katehoryja dziaciej zdaje vypusknyja ekzamieny va ŭstanovie adukacyi ŭ inšaj formie. Ustupnyja vyprabavańni jany taksama mohuć zdavać u VNU ŭ inšaj formie.
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant26
Kamientary