Viadomamu repietytaru Jaŭhienu Liviantu dali try hady chatniaj chimii
Pra prysud «Radyjo Svaboda» stała viadoma ad ułasnych krynic.
Kryminalnuju spravu ŭ dačynieńni da Jaŭhiena Livianta i jašče šaści abvinavačanych razhladali z 19 maja ŭ sudzie Maskoŭskaha rajona stalicy (sudździa Kaciaryna Muraška).
Jaho dačce Hańnie Liviant i jejnaha mužu Mikitu Drazdu taksama dali pa 3 hady chatniaj chimii, jak paviedamlaje dziaržaŭnaja presa.
Žonka Julija Liviant, dačka Halina Liviant i kaleha pa repietytarskim centry «100 bałaŭ» Alaksiej Ivanoŭ prysudžanyja da 2 hadoŭ i 6 miesiacaŭ chatniaj chimii. Alaksandra Vilčyckaja — da paŭtara hoda chatniaj chimii, paviedamlaje «Narodnaja Vola».
Siamju Liviantaŭ (jaho, žonku, dźviuch dačok i ziacia) zatrymali 26 śniežnia. Pryčym adnu dačku i ziacia — paśla viartańnia z Polščy.
«Jany abvinavačvajucca ŭ tym, što 16 žniŭnia 2020 hoda ŭ Minsku ŭdzielničali ŭ hrupavych dziejańniach, jakija hruba parušajuć hramadski paradak i spałučajucca ź vidavočnym niepadparadkavańniem zakonnym patrabavańniam pradstaŭnikoŭ ułady, što paciahnuła parušeńnie pracy transpartu i pradpryjemstvaŭ», — paviedamlali ŭ sudzie.
Raniej Livianta abvinavačvali ŭ raspaŭsiudžvańni «ektremisckaj» infarmacyi, a taksama ŭ tym, što jaho repietytarski centr «100 bałaŭ» nibyta ŭchilaŭsia ad padatkaŭ. Ale hetyja abvinavačańni akazalisia hałasłoŭnymi i paśla nie fihuravali ŭ sudzie.
Kamientary