U vyniku zamiest 7 tysiač rubloŭ štrafu za bieźbiletny prajezd žychar Baranavičaŭ zapłaciŭ 770 tysiač.
U vyniku zamiest 7 tysiač rubloŭ štrafu za bieźbiletny prajezd žychar Baranavičaŭ zapłaciŭ 770 tysiač.
Jak raspavioŭ staršy kantralor słužby pasažyrskich pieravozak AAT «AP h. Baranavičy» Rusłan Lešyk, niepryjemny incydent adbyŭsia ŭviečary 11 listapada padčas rejdavaj pravierki apłaty prajezdu pasažyrami aŭtobusa №7 na prypynku «Łakamatyŭnaje depo».
«U mužčyny i žančyny, jakija jechali na hetym maršrucie, nie było ni prajaznych, ni tałončykaŭ. U dadatak abodva bieźbiletnych pasažyra byli ŭ niećviarozym stanie. Kantralory prapanavali im apłacić štraf, ale jany admovilisia i stali svarycca z kantralorami», — rastłumačyŭ R. Lešyk.
Na dapamohu rabotnikam aŭtobusnaha parku pryjšli supracoŭniki patrulna-pastavoj słužby milicyi. Adnak utajmavać raźjatranych «zajcoŭ» było nie prosta.
«Spačatku ich paprasili vyjści z sałona aŭtobusa, potym papiaredzili ab adkaznaści. Adnak u adkaz pačuli tolki abrazy. A kali ich siłaj pačali vyvodzić z aŭtobusa, žančyna pasprabavała ŭdaryć adnaho ź milicyjantaŭ», — raspavioŭ staršy inśpiektar pa asabistamu składu 3-j asobnaj roty pałka PPSM UUS Bresckaha abłvykankama Ihar Kučur.
U vyniku rejs «siamiorki» zatrymaŭsia na 20 chvilin, a bieźbiletnikaŭ dastavili ŭ Baranavicki HUUS.
Rašeńniem suda Baranavickaha rajona i h. Baranavičy za źjaŭleńnie ŭ hramadskim miescy ŭ pjanym vyhladzie i niepadparadkavańnie patrabavańniu słužbovaj asoby pry vykanańni im słužbovych paŭnamoctvaŭ mužčyna byŭ aštrafavany na sumu ŭ 770 tysiač rubloŭ. Na jaho spadarožnicu taksama składzieny administracyjny pratakoł i ŭ bližejšy čas jana paŭstanie pierad sudom.
Ciapier čytajuć
Cciapan Łatypaŭ treci raz sprabavaŭ ździejśnić suicyd u turmie3
Cciapan Łatypaŭ treci raz sprabavaŭ ździejśnić suicyd u turmie
Časam niečakanaja historyja biełaruskich himnaŭ: «My vyjdziem ščylnymi radami», «Pahonia», «Žyvie Biełaruś», «Radzima maja darahaja», «Mahutny Boža» (ź VIDEA)1313
Kamientary