Ukazam Alaksandra Łukašenki ŭ Biełarusi padvyšanyja mytnyja pošliny na šerah charčovych tavaraŭ i syravinu.
Ukazam Alaksandra Łukašenki ŭ Biełarusi padvyšanyja mytnyja pošliny na šerah charčovych tavaraŭ i syravinu.
Pavodle Ukazu №542, pošliny ŭvodziacca časovyja — z 15 listapada terminam na dzieviać miesiacaŭ. Udvaja — z 15 da 30% pavialičanaja staŭka mytnaj pošliny na małočnuju syrovatku, syry i tvaroh.
Na impart bulby, cybuli repčataj, kapusty biełakačannaj, morkvy i burakoŭ staŭka mytnaj pošliny składaje 180% ad mytnaha koštu tavara.
Dla paraŭnańnia, raniej staŭka mytnaj pošliny na bulbu składała 5‑15% ad mytnaha koštu, na cybulu, kapustu, buraki — 15% ad mytnaha koštu.
Taksama ŭdvaja — z 10 da 20% pavialičanaja staŭka mytnaj pošliny na impart muki z pšanicy miakkaj i śpielty, krupaŭ i muki hrubaha pamołu z pšanicy miakkaj i śpielty, ziernia złakaŭ pluščanaje ci pierapracavanaje ŭ šmatki. U čatyry razy pavialičanyja pošliny na šmatki i hranuły, bulbianyja, kali raniej jany składali 10% ad koštu tavara, dyk ciapier usie 40%.
U piać razoŭ — z 20 da 100% pavialičanaja pošlina na kruchmał bulbiany.
U dva razy — z 20 da 40% ‑‑ na kandytarskija vyraby z cukru, uklučajučy bieły šakaład. Z 15 da 30% pavialičanaja mytnaja pošlina na impartnyja makarony, a pošlina na impart limonnaj kisłaty ŭźniałasia ŭ try razy.
Mienš za ŭsio dastałasia tamatam i ahurkam. U dačynieńni da ich pošliny ŭviedzienyja ŭsiaho na miesiac, chacia i ŭźnialisia z 15 da 50%.
Ciapier čytajuć
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie44
Kamientary