U Biełarusi znajšli zamienu H&M? Raskazvajem, chto moža pryjści na zamienu i jakija tam ceny
U krainu prychodzić sietka mahazinaŭ rasijskich dyzajnieraŭ Slava. Na svajoj radzimie novy brend zajmaje handlovyja płoščy bujnych rytejleraŭ nakštałt H&M, jaki pakinuŭ Rasiju ŭ minułym hodzie. Niaŭžo i ŭ Biełarusi Slava zojmie anałahičnuju pazicyju?
Pra toje, što Slava płanuje vychodzić na rynki Biełarusi i Uźbiekistana, stała viadoma z intervju stvaralnika sietki Alaksandra Pieramiatava. Dakładnuju datu adkryćcia mahazinaŭ Pieramiataŭ nie nazyvaje, bo takoje pašyreńnie patrabuje istotnych inviestycyj.
Adno z prapahandysckich biełaruskich miedyja ŭžo paabiacała, što novy brend zamienić bujnoha zamiežnaha rytejlera H&M, jaki syšoŭ ź Biełarusi ŭ 2022 hodzie. Jak minimum na takuju rolu Slava zaraz pretenduje ŭ Rasii, jakaja sutyknułasia hod tamu z adtokam zamiežnych vytvorcaŭ u jašče bolšaj stupieni, čym Biełaruś.
Slava źjaviłasia ŭ 2015 hodzie. Brend, jaki maje ŭ Rasii ŭžo bolš za 30 mahazinaŭ, pradaje adzieńnie, abutak, upryhažeńni, posud, tavary dla doma i kaśmietyku rasijskich dyzajnieraŭ i vytvorcaŭ.
Što rasijskaja kampanija prapanuje pakupnikam? Razhledzim heta na prykładzie niekatorych tavaraŭ ad Slava, jakija rasijskaja kampanija pakazała ŭ instahramie. I pačniom z žanočaha adzieńnia.
Jarki bieły śvitšot z kapiušonam ad Slava kaštuje (u pieravodzie na biełaruskuju valutu) 373 rubli, bolš ścipły karyčnievy varyjant biez kapiušona — 80 rubloŭ. Troški bolš, amal 84 biełaruskija rubli, kaštavała b nam maleńkaja čornaja majka (na skrynie). Košt remienia ekvivalentny 93 rublam, soniečnych akularaŭ — amal 109 rublam, a za čornyja džynsy prosiać sumu, ekvivalentnuju amal 142 rublam.
Ružovaja cišotka z pryhožym pryntam kaštuje zusim nie tak pryvabna — amal 187 rubloŭ u pieravodzie na biełaruskija hrošy. Džohiery ŭ styli Mark Formelle Slava pradaje za 327 rubloŭ, nievialikuju karyčnievuju sumku — za 308 rubloŭ. Chočacie padabrać sabie ŭ rasijskaj sietcy stylovy ružovy kaścium? Rychtujcie kašalok: za štany pryjdziecca vykłaści amal 296 rubloŭ, a za žakiet — amal 467 rubloŭ, to-bok cana ŭsiaho kaściuma budzie kala 763 rubloŭ. Kali zachočacca nabyć u kamplekt da jaho biełuju sumku, jakuju kłapatliva padabrali dla vas esememščyki Slava, rychtujcie 283 rubli.
A jakija ceny na adzieńnie dla mužčyn?
Trykatažnyja mužčynskija štany ŭ styli taho ž Mark Formelle abyducca, kali kuplać ich u Slava, amal u 183 biełaruskija rubli. Za džempiery paprosiać adpaviedna 244 i 260 rubloŭ, za dźmutuju kamizelku — ažno 300 rubloŭ.
Jašče ŭ rasijskaj sietcy jość aksiesuary i abutak. Hladzicie sami.
Što atrymajem, kali pieraviadziom hetyja sumy ŭ biełaruskija rubli? Čaraviki na skrynach kaštujuć adpaviedna 325 i 371 rubiel, sumki — 371 i 711 rubloŭ.
Pahladzim, što Slava prapanuje dla dziaciej. Čaroŭny ružovy kambiniezončyk dla samych maleńkich kaštuje, kali ličyć u biełaruskich, 108 rubloŭ, jarkaja aranžavaja šapka dla bolšaha dziciaci — 52 rubli. Za dźmutuju kamizelku prosiać sumu, ekvivalentnuju 140 rublam, trykatažnyja kaściumy na dziaŭčynku kaštujuć adpaviedna 155 i 168 rubloŭ. Narešcie, košt ružovaha chudzi na dziaŭčynku anałahičny 75 rublam, a košt tonieńkaha šeraha kaściuma — 118 rublam.
Kali aryjentavacca na hetyja ceny, to pra toje, kab zamianić zamiežnych masmarkiet-rytejleraŭ, jakich my pazbavilisia ŭ 2022 hodzie, havorka pakul nie idzie.
«Naša Niva» — bastyjon biełaruščyny
PADTRYMAĆ
Kamientary
jeść mark farmiel, jeść zamiežnyja brendy