«Adzin budzie mianiać, a dvoje — zašyvać ranu». Łukašenka daručyŭ da kanca hoda zrabić apieracyi pa endapratezavańni ŭsim, chto staić u čarzie
Prablema čerhaŭ — adna z prablemaŭ biełaruskaj sistemy achovy zdaroŭja. Siońnia STB apublikavaŭ novy ŭryvak z pasiadžeńnia pa pytańniach miedycyny z Łukašenkam. Tam zakranuli temu endapratezavańnia. Usim, chto stajaŭ u čarzie da 23 maja, da kanca hoda praviaduć endapratezavańnie bujnych sustavaŭ, jak paviedamlaje STB.
U siužecie stali viadomyja novyja padrabiaznaści narady ŭ Łukašenki, dzie toj raskrytykavaŭ miedycynu, byccam ubačyŭ jaje ŭpieršyniu za amal 30 hadoŭ kiravańnia.
Łukašenka spytaŭ u ministra achovy zdaroŭja Dźmitryja Pinieviča, kolki ludziej staić u čarzie na endapratezavańnie sustavaŭ.
Toj adkazaŭ: 13,5 tysiačy čałaviek.
Łukašenka zahadaŭ da kanca hoda ŭsim im zrabić apieracyju.
Ministr pasprabavaŭ apraŭdacca:
— Prablema zaklučajecca ŭ tym, što i letaś, i sioleta byli składanaści… — pačaŭ jon (mahčyma, jon mieŭ na ŭvazie tak zvanuju «spravu traŭmatołahaŭ», u ramkach jakoj KDB kašmaryła artapiedaŭ pa ŭsioj respublicy).
— Nie budziem na hetym spyniacca, — adrezaŭ Łukašenka. — Da kanca hoda vy mnie ŭsie hetyja sustavy zamienicie!
— Da kanca hoda my ŭsie nie zamienim…
— Jašče jak zamieniš! Adzin budzie mianiać, a dvoje — zašyvać ranu. Idzicie i arhanizoŭvajcie.
Łukašenka papiaredziŭ pra adkaznaść miedykaŭ, a taksama zhadaŭ pra śmiarotnaść, źviestki pra jakuju nie publikujuć z časoŭ karanavirusa.
«Papiaredžvaju kateharyčna: kryj boža, da 1 studzienia mnie dałožać, što vy choć kosku nie vykanali abo paśla koski, ja nie kažu pra prusakoŭ, pierakošanyja dźviery, pra leki i inšaje — narakajcie sami na siabie. Usiudy pavinny być zruchi, a toje, što pavinna być vyrašanaje, pavinna być vyrašanaje. Prapišycie mnie punkt pa śmiarotnaści. Vynik vialikaj pracy miedyka — heta śmiarotnaść. Padumajcie, jak heta prapisać, kab heta možna było prakantralavać i ź ich spytać za śmiarotnaść. Razumiejecie, mianie naściarožvaje tendencyja», — skazaŭ Łukašenka.
U jakim stanie znachodzicca miedycyna praz amal 30 hod łukašenkaŭskaha kiravańnia? Heta tolki toje, što apubličyli
Łukašenka pryhraziŭ kiraŭnikam abłvykankamaŭ, što ździare ź ich skuru. Za što
Novaje zapryhońvańnie miedykaŭ: ułady mianiajuć praviły ardynatury — z adpracoŭkaj piać hadoŭ i hihanckimi štrafami
U Navapołacku prajšli zatrymańni daktaroŭ u balnicy, kudy pryvozili Babaryku
Łukašenku stała drenna na samicie ŠAS u Kazachstanie — Dožd́20
Kamientary
prorok jepta