«Žoncy psichałahična ź dziećmi składana». Andrej Dźmitryjeŭ čakaje razhladu apielacyi
«Andrej trymajecca, nakolki heta mahčyma», — kaža Taćciana Karatkievič pra svajho paplečnika.
Palityk byŭ zatrymany 11 studzienia hetaha hoda. Jamu vystavili abvinavačańnie pa art. 342 Kryminalnaha kodeksa — «Arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich», — nahadvaje «Narodnaja Vola».
Śledčy kamitet paviedamlaŭ, što Dźmitryjeŭ udzielničaŭ u paślavybarčych akcyjach pratestu, a taksama «599 razoŭ pierasiakaŭ dziaržaŭnuju miažu Biełarusi, ź ich 33 — paśla 2020 hoda». Śledstva mierkavała, što «najaŭnaść kantaktaŭ u Dźmitryjeva z pradstaŭnikami Zachadu i ZŠA moža śviedčyć pra kaardynacyju jaho «palityčnaj» dziejnaści z-za miažy».
Sud Maskoŭskaha rajona Minska pryznačyŭ palityku paŭtara hoda źniavoleńnia ŭ kałonii, ale da razhladu apielacyi Andrej Dźmitryjeŭ znachodzicca ŭ SIZA.
— 23 červienia Minski haradski sud płanuje razhladzieć apielacyjnuju skarhu Andreja Dźmitryjeva na rašeńnie suda Maskoŭskaha rajona, — raskazała «Narodnaj Voli» Taćciana Karatkievič, paplečnica palityka. — U SIZA Andrej trymajecca, nakolki heta mahčyma, a dalej usio budzie zaležyć ad taho, u jakoje miesca jaho skirujuć dla adbyćcia pakarańnia.
— 3 maja ŭ Andreja Dźmitryjeva pamierła maci, ale na pachavańnie jon nie patrapiŭ…
— Ciažka, biezumoŭna, kali nie možaš pravieści ŭ apošni šlach samaha blizkaha tabie čałavieka. Heta baluča, Andrej z hetaj nahody vielmi pieražyvaŭ. Jon viedaŭ, što mama chvareje, i ŭpeŭnienaja, što byŭ by ź joj pobač u apošnija chviliny žyćcia. Jon nie zabyvaŭsia pra maci nikoli, naviedvaŭ jaje rehularna, niahledziačy na toje, što jana žyła ŭ Rasii.
Ale ŭ apošnich listach ad Andreja hučać nie tolki sum i rospač, ale i pazityŭnyja notki. Časam padajecca, što ŭ tych, chto za kratami, navat bolš pazityvu, čym u niekatorych ludziej, jakija znachodziacca na voli. Spadziajusia, što taki nastroj u Andreja Dźmitryjeva zastaniecca i ŭ kałonii.
— Jak ciapier jaho siamja?
— Psichałahična, biezumoŭna, składana. U Andreja troje synoŭ, dvoje ź ich — jašče školniki. Tamu žoncy Andreja davodzicca ciapier adnoj i pracavać, i dziaciej dahladać. Heta niaprosta.
-
MZS Polščy: «Pamahatary» ŭ rehistracyi na padaču na vizy pierastali być efiektyŭnymi
-
Kavaleŭski: Cichanoŭskija nie razumiejuć dalikatnaści i składanaści humanitarnaha treku, jaki pryvioŭ da vyzvaleńnia 300 palitviaźniaŭ
-
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»
Ciapier čytajuć
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»12
Kamientary