RPC abviaściła pacyfizm jeraśsiu, niesumiaščalnaj z pravasłaŭnym vučeńniem
Carkoŭny sud Rasiejskaj pravasłaŭnaj carkvy abviaściŭ pacyfizm jeraśsiu. Pra heta skazana ŭ materyjałach spravy carkoŭnaha suda ab pazbaŭleńni sanu kastramskoha śviatara Iaana Burdzina, jaki vykazvaŭsia suprać ahresii Rasiei suprać Ukrainy, heta zaŭvažyŭ «Biełsat».
6 sakavika 2022 hoda ijerej Iaan Burdzin u kazani skazaŭ, što molicca za mir na ŭkrainskaj ziamli. Adzin z prysutnych paviedamiŭ pra heta palicyi. Na śviatara skłali pratakoł za dyskredytacyju Uzbrojenych siłaŭ Rasiei. Taksama jaho abvinavacili ŭ publikacyi na parafijalnym sajcie, jakaja asudžaje «śpiecyjalnuju vajennuju apieracyju» va Ukrainie, a taksama ŭ padpisanaj im zajavie pra toje, što chryścijanie nie mohuć «zastavacca ŭ baku, kali brat zabivaje brata, chryścijanin — chryścijanina».
Sud pryznaŭ śviatara vinavatym i aštrafavaŭ na 35 000 rasiejskich rubloŭ. Paśla hetaha jon taksama byŭ vymušany pajści za štat i pakinuć nastajacielstva. Burdzin pasprabavaŭ pierajści ŭ Bałharskuju pravasłaŭnuju cerkvu, ale dla hetaha jaho musili adpuścić z RPC. Adnak 16 sakavika 2023 hoda Burdzina zabaranili ŭ słužeńni, a na 16 červienia pryznačyli carkoŭny sud.
Pacyfizm radykalna razychodzicca z pazicyjaj RPC
U materyjałach carkoŭnaha suda nad Burdzinym adznačajecca, što «jon sprabuje paŭstać u vobrazie paśladoŭnaha pacyfista, čužoha palityčnaj anhažavanaści, śćviardžajučy pry hetym, što pacyfizm vyciakaje z vučeńnia Chrysta».
«Pacyfizm, jakim śviatar Burdzin sprabuje prykrycca ad abvinavačańniaŭ u jaho adras, nie sumiaščalny z sapraŭdnym vučeńniem Pravasłaŭnaj carkvy, u pryvatnaści vykładzienym u «Asnovach sacyjalnaj kancepcyi». Pacyfizm u roznyja epochi carkoŭnaj historyi prysutničaŭ u jeretyčnych daktrynach», — havorycca ŭ materyjałach suda.
Dyj ahułam, zajaŭlajuć u RPC, pacyfizm Burdzina «ŭjaŭny, adnabakova aryjentavany, za im vyrazna bačnaja jaho antyrasiejskaja palityčnaja pazicyja, jakaja ŭ našaj krainie ŭsprymajecca jak nieprymalnaja i, što važna padkreślić, jakaja radykalna razychodzicca z pazicyjaj Rasiejskaj Pravasłaŭnaj Carkvy, jamu, niesumnienna, viadomaj».
Vinavaciać Burdzina i ŭ parušeńni mnostva kananičnych praviłaŭ, jakija datyčać temy padparadkavańnia, u tym liku «caru abo kniaziu».
U Kijevie buduć malicca za Ivana Maziepu. Anafiema jamu była abvieščana 300 hadoŭ tamu
«Našy śvieckija ludzi — bolš prystojnyja i sumlennyja za archirejaŭ, jakija daŭno zabylisia, jak pavinny rabić vierniki». Apublikavali «duchoŭny zapaviet» uładyki Arciemija
Upieršyniu prajšło biełaruskaje nabaženstva ŭ jurysdykcyi Kanstancinopalskaha patryjarchata
Kamientary
Mienčuki chvoryja na ardynski (stakholmski) sindrom ? "8 červienia 1933 h. sakratar CK KP(b)B Mikałaj Hikała i staršynia SNK BSSR Mikałaj Haładzied atrymali sakretny list z Naraŭlanskaha rajona. Niepiśmiennaja pisulka na biełaruskaj movie, u jakoj miascovyja kiraŭniki skardzilisia na strašenny hoład u svaim rajonie: “Na hetych dniach (2 červienia) mieŭ miejsca z rada von vychodziačy fakt: hr. v. Cichin (Akopskaha sielsavietu) Sikorskaja nočču zarezała svajho 9-hadovaha dziciaci. Častku ŭnutranaściej paśpieła pajeści, nazaŭtra ŭtopiła druhoha dziciaci i pamierła sama ad istoščeńnia”. Taki žudasny fakt pryvodzili naraŭlanskija načalniki i ślozna zakančvali svajo pasłańnie: “Biez surjoznaj dapamohi respublikanskaha centru abyścisia nie zmožam”.
"Takoje ž biadotnaje stanovišča było i ŭ susiednim Jelskim rajonie, ab čym čekisty rapartavali ŭ Miensk. U 200 siemjach z 250 adnaasobnych haspadarak dzieci i darosłyja apuchli ad hoładu, za dva miesiacy z-za schudnieńnia pamierła 20 čałaviek. “Adnaasobnik chutara Redźka Kałodziej Mikita, kab nie bačyć pakuty hałodnaj siamji, zapior u chacie žonku i troch małaletnich dziaciej, zabiŭ nahłucha dźviery i vokny, paśla čaho sam niekudy źnik. Žonka i dvoje dziaciej Kałodzieja ŭžo pamierli, adnaho małoha vyratavali susiedzi. U v.Mielaškovičy ŭdava Cichanava Uljana z hoładu kinuła traich dziaciej i syšła niaviedama kudy”, – pryvodzili žudasnyja prykłady čekisty.
Na Homielščynu ź Mienska vyjechała śpiecyjalnaja kamisija dla pravierki faktaŭ. 21 červienia Biuro CK KP(b)B zaniesła ŭ pratakoł: u Jelskim i Naraŭlanskim rajonach mor zakranuŭ da 60 pracentaŭ nasielnictva. Ludzi jaduć nie tolki “lipavaje liście, vieras, moch i miakinu, a ŭ niekatorych haspadarkach navat katoŭ, sabak i konskuju padal”. Staličnyja tavaryšy vymušany byli pryznać fakt kanibalizmu: “U v. Akopy… žonka biedniaka, pajšoŭšaha na pracu ŭ horad, viarnułasia dadomu i znajšła svajho syna Vałodziu miortvym, adrezała nohi dziciaci i zvaryła sa ščaŭjem. Pajeła ščaŭja sama i pakarmiła druhoje dzicianio. Nazaŭtra pamierła sama i druhoje dzicio”.