Jany ŭžyli kambinavany ŭdar. Pryčym drony byli zapuščanyja jak z paŭdniovaha, tak i z paŭnočnaha kirunkaŭ.
Čatyrma samalotami stratehičnaj avijacyi Tu-95MS ažyćcioŭlena čatyry puski kryłatych rakiet Ch-101/Ch-555 z Kaśpijskaha mora. Adnu z rakiet udałosia źniščyć, astatnija trapili ŭ pramysłovyja abjekty Dnieprapiatroŭskaj vobłaści.
Iranskija «Šachiedy» praciŭnik zapuskaŭ z paŭnočnaha i paŭdniovaha kirunkaŭ. Usie 20 udarnych dronaŭ źniščanyja siłami i srodkami Pavietranych sił u zonach adkaznaści pavietranaha kamandavańnia «Poŭdzień» i «Uschod».
Akramia taho, źniščany varožy BPŁA apieratyŭna-taktyčnaha ŭzroŭniu, jaki ažyćciaŭlaŭ pavietranuju raźviedku na ŭschodnim kirunku.
U Adesie nočču niekalki razoŭ razdavalisia hučnyja vybuchi, paviedamlałasia ab pracy SPA.
Pavodle źviestak pradstaŭnika Adeskaj vobłaści Siarhieja Bratčuka, rasijskija vajskoŭcy ŭnačy atakavali rehijon, papiarednie, 13 dronami-kamikadze typu «Šachied». Siłami SPA byli źniščany ŭsie pavietranyja celi.
Taksama nočču vorah znoŭ atakavaŭ Kryvy Roh rakietami, jość traplańnie ŭ dva pramysłovyja pradpryjemstvy.
Ranieńnie atrymaŭ 38-hadovy mužčyna. Jon špitalizavany ŭ stanie siaredniaj ciažkaści, piša «RBK-Ukraina».
Na pradpryjemstvach uźnikli pažary, jakija ratavalniki ŭžo patušyli. Jość istotnyja razbureńni vytvorčych zbudavańniaŭ, raźbity hazapravody, źniščany šynamantaž i aŭtobus.
Staršynia Dnieprapiatroŭskaj abłasnoj rady Mikałaj Łukašuk adznačyŭ, što ŭ vyniku rakietnaha ŭdaru paškodžańni atrymała dva dziasiatki aŭtobusaŭ.
Abłomki źbitaj rakiety paškodzili aŭtamabil.
U niebie nad Dnieprapiatroŭskaj vobłaściu źniščyli ŭsie piać udarnych dronaŭ typu «Shahed-131/136».
Kamientary