Były viazień kałonii, dzie ŭtrymlivajuć Alaksandra Fiadutu, raskazaŭ pra zachady, skiravanyja na izalacyju viadomaha palitviaźnia, jak piša «Radyjo Svaboda».
«Chłopiec, jaki siadzieŭ ź Fiadutam u karancinie, adpraviŭsia na 10 sutak u ŠIZA tolki za toje, što ź im pahavaryŭ», — raskazaŭ Siarhiej (sapraŭdnaje imia źmienienaje dziela biaśpieki), jaki ŭžo vyzvaliŭsia z papraŭčaj kałonii №15 pad Mahilovam. Pavodle Siarhieja, dadatkovy cisk zaznali i inšyja palitviaźni, jakija byli ź im u adnym atradzie. Heta Siarhieju zaśviedčyŭ asudžany pavodle palityčnaha artykuła, ź jakim daviałosia pravieści čas u adnoj kamiery štrafnoha izalatara.
«Pałovu terminu ŠIZA siadzieŭ z palityčnym. Jaho pakarali ŭ dzień narodzinaŭ. Ničoha nie parušaŭ, vykonvaŭ paradak ad pačatku da kanca, ale naŭmysna ŭ taki dzień pryčapilisia i dali 10 sutak. Voś tak pavinšavali», — raskazaŭ Siarhiej.
Pavodle palitviaźnia, ź jakim Siarhiej byŭ u ŠIZA, palityčnyja čaściej za inšych asudžanych atrymlivajuć vymovy, pazbaŭleńni ad spatkańniaŭ ci pieradač i pakarańnie štrafnym izalataram.
«Palityčnych łomiać psichałahična: pakarańniami, izalacyjaj. Heta ŭ nas było i jość», — kaža Siarhiej.
***
Alaksandra Fiadutu zatrymali ŭ Maskvie 11 krasavika 2021 hoda ŭ vyniku sumiesnaj «śpiecapieracyi» FSB Rasii i KDB Biełarusi ŭ miežach spravy ab sprobie dziaržaŭnaha pieravarotu. Paralelna schapili palityka Ryhora Kastusiova i jurysta Jurasia Ziankoviča. Usim vystavili abvinavačańnie pavodle č. 1 art. 357 Kryminalnaha kodeksa — «Zmova z metaj zachopu ŭłady niekanstytucyjnym šlacham».
Razhlad abjadnanaj spravy pačaŭsia 29 lipienia 2022 hoda ŭ Minskim rajonnym sudzie. Alaksandr Fiaduta pryznaŭ vinu častkova i nie pahadziŭsia z ahučanymi bokam abvinavačańnia matyvami. Praź miesiac pasiadžeńniaŭ prakuror Michaił Kavaloŭ zapatrabavaŭ dla palitviaźnia 12 hadoŭ źniavoleńnia.
5 vieraśnia 2022 hoda sudździa Uładzimir Areška krychu «źmiakčyŭ» zapytany termin i pakaraŭ žurnalista 10 hadami źniavoleńnia ŭ kałonii ŭzmocnienaha režymu.
29 listapada Viarchoŭny sud Biełarusi pakinuŭ prysud u sile.
Fiadutu pazbavili pieradač da kastryčnika. Pieradajuć tolki leki
Fiaduta ŭ apošnim słovie na sudzie: Abvinavaŭca iranizuje, ci nie vysokija matyvy stali pryčynaj maich dziejańniaŭ. Ale, heta tak!
Historyk Paškievič: Fiaduta viedaje, što takoje miesca ŭ historyi, i dumaje pra jaho navat za kratami
«Złujusia na hetaha «zmoŭščyka», ale lublu hetaha chłopca». Žonka Fiaduty atrymała spatkańnie z mužam
«Jaje ŭsie bierahli, jak mahli». Kamandziry — pra Maryju Zajcavu, jakaja zahinuła va Ukrainie12
Kamientary