Polšča nakiroŭvaje dadatkovyja siły palicyi dla achovy hranicy ź Biełaruśsiu
Polšča adpravić 500 palicyjantaŭ na miažu ź Biełaruśsiu. Pra heta zajaviŭ ministr unutranych spraŭ Polščy Marjuš Kaminski.
«U suviazi z napružanaj situacyjaj na miažy ź Biełaruśsiu ja vyrašyŭ uzmacnić našy siły 500 polskimi palicejskimi z previentyŭnych i kontrterarystyčnych padraździaleńniaŭ», — napisaŭ Kaminski ŭ tvitary.
Jany dałučacca da 5000 pahraničnikaŭ i 2000 sałdat, jakija achoŭvajuć biaśpieku hetaj hranicy, dadaŭ jon.
Polskaja pamiežnaja słužba paviedamiła, što ŭ subotu 187 čałaviek sprabavali nielehalna pierasiekčy miažu Polščy ź Biełarusi.
Ab nieabchodnaści ŭzmacnieńnia sił na miažy ź Biełaruśsiu, u tym liku ŭ suviazi z prysutnaściu hrupy «Vahnier», u sieradu zajaviŭ vice-premjer-ministr Jarasłaŭ Kačyński.
Z pačatku 2023 hoda Pamiežnaja słužba zafiksavała bolš za 12 tysiač sprob niezakonnaha pierasiačeńnia miažy ź Biełarusi ŭ Polšču.
Ministr abarony Polščy Marjuš Błaščak nie vyklučyŭ, što najmity hrupy «Vahnier», jakija pierabiarucca na terytoryju Biełarusi paśla sproby miaciažu ŭ RF, mohuć učyniać pravakacyi.
«Ja musiła hladzieć miesca dla ludziej, jakija pierachodziać miažu. Što moža pajści nie tak?» Dramatyčnaja historyja aryštu Alesi Bunievič1
Kamientary