Ukraina ŭniesła ŭ śpis mižnarodnych sponsaraŭ vajny viadomuju kampaniju — vy dakładna karystalisia jaje pradukcyjaj
Nacyjanalnaje ahienctva pa praduchileńni karupcyi Ukrainy ŭniesła brytanskuju karparacyju Unilever u pieralik mižnarodnych sponsaraŭ vajny. Kampanija — adzin z suśvietnych lidaraŭ na rynku praduktaŭ charčavańnia i tavaraŭ bytavoj chimii.
Kampanii naležyć bolš za 400 brendaŭ, pradukcyja vypuskajecca na 280 pradpryjemstvach, siarod jakich Domestos, Axe, Rexona, Dove, Calve, Rama, Brooke Bond, Lipton, Crème Bonjour, CIF, Knorr, Sunsilk, Timotei, CLEAR, «Čystaja linija» i inšyja.
Padstavaj stała toje, što, pracujučy ŭ Rasii, kampanija płacić značnyja padatki ŭ rasijski dziaržbiudžet, čym padtrymlivaje ekanomiku ahresara i robić svoj uniosak u praciah vajny Rasii suprać Ukrainy, jak ličyć Nacyjanalnaje ahienctva.
Adznačajecca, što ŭ Rasii va Unilever pracuje bolš za 3000 supracoŭnikaŭ. U 2022 hodzie na dolu rasijskaha biznesu pryjšłosia 1,4% abarotu Unilever i 2% jaje čystaha prybytku, jaki ŭ 2022 hodzie vyras na 24,9% u paraŭnańni z 2021-m i skłaŭ €8,03 młrd. Vyručka kampanii vyrasła da €60,1 młrd (+14,5%). Prodaž Unilever vyras va ŭsich katehoryjach, bolš za ŭsio — prodaž kaśmietyki (+20,8%).
Paśla poŭnamaštabnaha ŭvarvańnia Rasii va Ukrainu kampanija paabiacała prypynić impart i ekspart svajoj pradukcyi ŭ Rasiju i ź jaje, a taksama spynić usie miedyjnyja i rekłamnyja vydatki. Adnak na praciahu hoda vajny prybytak Unilever Russia padvoiŭsia z 4,8 młrd rubloŭ (€56 młn) u 2021 hodzie da bolš za 9,2 młrd rubloŭ (€108 młn) u minułym hodzie.
Padatkaŭ u biudžet RF za 2022 hod TAA «Junilevier Ruś» zapłaciła kala $50 młn.
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami21
Kamientary
Lično ja ničieho iz etoho dieŕma nie pokupaju.
Diešievaja chimičieskaja driań!