Padčas vajenna-histaryčnaj rekanstrukcyi niervy ŭ adnaho z hledačoŭ nie vytryvali: jon sam kinuŭsia ŭ boj i źbiŭ «fašysta» nahami
Padčas vajenna-histaryčnaj rekanstrukcyi pad Mahilovam adbyŭsia kurjozny vypadak. Videa zdareńnia źjaviłasia ŭ siecivie.
1 lipienia la vioski Hai Mahiloŭskaha rajona adbyłasia rekanstrukcyja boju bataljona milicyi pad kamandavańniem Kanstancina Uładzimirava ź niamieckimi zachopnikami.
Jak bačna z apublikavanaha videa, padčas boju «supracoŭnikaŭ milicyi» z «fašystami» na pole vybieh hladač.
Mužčyna nahoju ŭdaryŭ u hałavu «fašysta» i pasprabavaŭ zabrać u jaho aŭtamat. Na dapamohu «fašystu» pryjšoŭ supracoŭnik NKVD.
U pačatku Vialikaj Ajčynnaj vajny supracoŭniki milicyi razam z bajcami 172-j strałkovaj dyvizii supraćstajali niamiecka-fašysckim zachopnikam, jakija prasoŭvalisia na Mahiloŭ. Viadoma, što ŭ bataljonie było 250 bajcoŭ, paśla bajoŭ acaleli 19. Kiravaŭ bataljonam milicyi kapitan Kanstancin Uładzimiraŭ.
Kamientary