U novy amierykanski pakiet dapamohi Ukrainie ŭvojduć kasietnyja snarady — miedyja
Administracyja prezidenta ZŠA Džo Bajdena ŭ najbližejšy čas abvieścić pra novy pakiet vajskovaj dapamohi Ukrainie, u jakim, u pryvatnaści, buduć i kasietnyja snarady. Pra heta paviedamili ahienctva Reuters i hramadski radyjoviaščalnik ZŠA NPR na padstavie śviedčańniaŭ krynic, piša «Jeŭrapiejskaja praŭda».
Pa infarmacyi NPR, novy pakiet vajskovaj dapamohi Ukrainie moža być abvieščany ŭžo ŭ čaćvier, u toj čas jak pa źviestkach Reuters heta adbudziecca ŭ piatnicu.
Taksama miedyja nie ŭdakładniajuć, jak mienavita budzie arhanizavana pieradača novaha pakieta, chutčej za ŭsio, kasietnyja snarady pieradaduć z zapasaŭ armii ZŠA. Ab pryniaćci rašeńnia pa hetym typie ŭzbrajeńnia paviedamlałasia i raniej.
Kasietnyja bojeprypasy zvyčajna vypuskajuć vialikuju kolkaść drobnych elemientaŭ, jakija mohuć paražać i zabivać cyvilnaje nasielnictva. Taksama ŭ hetych bojeprypasaŭ paraŭnalna vysoki pracent, kali jany nie vybuchajuć, praz što jany ŭjaŭlajuć niebiaśpieku na praciahu mnohich hadoŭ paśla zaviaršeńnia vajennaha kanfliktu.
U 2008 hodzie bolš za 120 krain padpisali damovu ab zabaronie vytvorčaści, vykarystańnia i nazapašvańnia kasietnych bojeprypasaŭ. Złučanyja Štaty, Rasija i Ukraina, adnak, admovilisia dałučycca da jaje.
Što aznačaje zahadkavy kod R99 u pryčynach śmierci Uładzimira Makieja i Vitolda Ašurka?5
Kamientary
a Biełaruś?