ZŠA płanujuć pieradać Ukrainie tankavyja snarady sa źbiednienym uranam
Administracyja prezidenta ZŠA Džo Bajdena płanuje ŭchvalić pieradaču Ukrainie snaradaŭ sa źbiednienym uranam dla tankaŭ Abrams. Pra heta ŭ kamientary The Wall Street Journal raskazaŭ vysokapastaŭleny čynoŭnik ź Biełaha doma.
Čakajecca, što administracyja Bajdena ŭsio ž pieradaść snarady sa źbiednienym uranam paśla tydniaŭ unutranych sprečak ab tym, čym abstalavać tanki Abrams, jakija ZŠA pieradajuć Ukrainie.
Jak adznačaje vydańnie, choć niekatoryja čynoŭniki kažuć, što niama surjoznych pieraškod dla pieradačy Ukrainie takich snaradaŭ, niekatoryja pradstaŭniki Biełaha doma vykazali zaniepakojenaść, što praz heta Vašynhton patrapić pad krytyku, bo takija snarady ŭjaŭlajuć niebiaśpieku dla zdaroŭja ludziej i navakolnaha asiarodździa.
Snarady sa źbiednienym uranam vałodajuć lepšaj braniabojnaściu, čym zvyčajnyja. Źbiednieny ŭran — adchody pracesu ŭzbahačeńnia ŭranu. Jon taksama moža vykarystoŭvacca pry vytvorčaści jadziernaj zbroi.
Raniej Ukraina ŭžo atrymała snarady hetaha typu ad Vialikabrytanii — dla asnaščeńnia brytanskich tankaŭ Challenger 2. Rasija tady nazvała hety krok «surjoznaj eskałacyjaj kanfliktu». «Heta šyroka raspaŭsiudžany typ bojeprypasaŭ, jaki vykarystoŭvajecca dziesiacihodździami z-za jaho braniabojnych ułaścivaściaŭ», — zajaviŭ u adkaz pradstaŭnik Rady nacyjanalnaj biaśpieki ZŠA Džon Kirbi, padkreśliŭšy, što hetyja snarady nie radyjeaktyŭnyja i nie adnosiacca da jadziernaj zbroi.
Raniej paviedamlałasia, što ŭ Kanhresie ZŠA pradstaŭniki Respublikanskaj i Demakratyčnaj partyj znoŭ nastojvajuć na tym, kab administracyja Bajdena dasłała Ukrainie dalnabojnyja rakiety ATACMS.
Kreml znoŭ staŭ strašyć Jeŭropu nastupstvami pieradačy Ukrainie bojeprypasaŭ sa źbiednienym uranam. Ale jeŭrapiejcy spakojnyja
Kreml aburany pastaŭkami Ukrainie snaradaŭ sa źbiednienym uranam. Ale takija bojeprypasy jość i ŭ Rasii. Što ž chvaluje Maskvu?
«Navošta?» Prapahandysty pryznalisia, što stamilisia apraŭdvać raźmiaščeńnie jadziernaj zbroi ŭ Biełarusi
Što aznačaje zahadkavy kod R99 u pryčynach śmierci Uładzimira Makieja i Vitolda Ašurka?5
Kamientary