Biełaruś impartavała vialikuju kolkaść rapsu z Kiraŭskaj vobłaści Rasii. U minułym hodzie takoha nie było
Jak paviedamiŭ Raśsielhasnahlad, ilvinaja dola rapsu była adpraŭlena ŭ Biełaruś u minułym miesiacy
Raśsielhasnahlad 3 lipienia aficyjna paviedamiŭ, što Kiraŭskaja vobłaść Rasii z pačatku hoda adpraviła na pierapracoŭku ŭ Biełaruś 550 ton nasieńnia rapsu. Charakterna, što za anałahičny pieryjad minułaha hoda nijakich padobnych pastavak u Biełaruś adtul nie było.
Viedamstva adznačaje, što bolšaja častka z hetaha abjomu rapsu była adpraŭlena mienavita ŭ červieni.
«U červieni 2023 hoda była prakantralavanaja adpraŭka z Kiraŭskaj vobłaści 462 ton nasieńnia rapsu dla pierapracoŭki ŭ Respubliku Biełaruś. Parušeńniaŭ standartaŭ nie vyjaŭlena. Usiaho ž z pačatku hoda ŭ Biełaruś adtul było ekspartavana 550 ton rapsu, čaho za anałahičny pieryjad minułaha hoda nie adbyvałasia», — zajaviŭ Raśsielhasnahlad.
Nahadajem, što ŭ minułym miesiacy źjaviłasia infarmacyja, što, niahledziačy na vajnu, Biełaruś i Rasija stali samymi bujnymi pastaŭščykami rapsavaha šrotu (pabočny pradukt pierapracoŭki rapsu, jaki źjaŭlajecca kormam dla ŭsich sielskahaspadarčych žyvioł) u krainy Jeŭrasajuza.
Ciapier čytajuć
«Ja taja samaja ŭ futry». Maładaja švačka pracavała ŭ futry, pakul dziaržTB raskazvała, što na fabrycy ŭ Žłobinie nie choładna10
Kamientary