Łukašenka — Bastrykinu: My prytrymlivajemsia adnoj linii, adnoj pazicyi
Alaksandr Łukašenka sustreŭsia sa staršynioj Śledčaha kamiteta Rasijskaj Fiederacyi Alaksandram Bastrykinym, piša BiełTA.
«Vaš vizit u Biełaruś ja zaŭsiody ŭsprymaju jak vielmi važny. I naša z vami sustreča, i vaš vizit da mianie — heta nie tolki vizit vietlivaści, jak kažuć dypłamaty. Choć i nie biez hetaha. Jość pra što pahavaryć, abmierkavać pytańni. My z vami pilnujemsia adnoj linii, adnoj pazicyi. U nas nikoli nie było razychodžańniaŭ pry acency ni ŭnutranych, ni źniešnich faktaraŭ isnavańnia Rasii, Biełarusi. Tamu dla mianie vielmi važna, što vy choć na niekalki chvilin, ale zazirniacie da mianie, i my zmožam źvieryć hadzińniki. Dla mianie heta, padkreślivaju, vielmi važna. Vy sapraŭdny nie tolki moj siabar, ale i našaha biełaruskaha naroda», — skazaŭ jon.
Alaksandr Łukašenka adznačyŭ, što ŭvažliva, nakolki heta mahčyma, sočyć za pracaj Alaksandra Bastrykina. «Vielmi rady, što ŭ składanyja i ciažkija časy vam usio ž udajecca niejkim čynam utrymlivać svaju sistemu, strukturu i pracavać na karyść nie tolki Rasii, ale i našaha sajuzu, jaki my imkniomsia stvaryć», — skazaŭ jon.
U svaju čarhu Alaksandr Bastrykin padziakavaŭ za mahčymaść sustrečy. «Chacieŭ by vas prainfarmavać, što tolki što ja pabyvaŭ na surjoznaj mižnarodnaj kanfierencyi, pryśviečanaj hienacydu savieckaha naroda, rabiŭ tam vystupleńnie», — adznačyŭ jon.
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj92
Kamientary