Anieksavany Rasijaj Krym letaś pastaviŭ u Biełaruś sielskahaspadarčaj pradukcyi na dva miljony dalaraŭ — u asnoŭnym heta było krymskaje vino, paviedamiŭ namieśnik ministra sielskaj haspadarki Kryma Arsien Arzijeŭ, piša «Sputnik».
«U cełym Respublika Krym sa svaim ahrapramysłovym patencyjałam ciesna supracoŭničaje ź Biełaruśsiu. Pa vynikach 2022 hoda z Respubliki Krym nakiravana ŭ Biełaruś pradukcyi bolš čym na dva miljony dalaraŭ. Heta vinarobnaja pradukcyja, jakaja jość našaj vizitnaj kartkaj», — zajaviŭ žurnalistam namieśnik ministra sielskaj haspadarki Kryma.
Krym taksama pastaŭlaje ŭ Biełaruś pradukcyju ptuškahadoŭli, inšyja tavary.
Havoračy pra biełaruski ekspart u Krym, Arsien Arzijeŭ adznačyŭ, što rehijon aktyŭna ŭzajemadziejničaje z MTZ i Homsielmašam.
«Štohod nam pastaŭlajecca vialikaja kolkaść biełaruskaj sielskahaspadarčaj techniki», — skazaŭ Arzijeŭ.
Pavodle jaho słoŭ, da 25 pracentaŭ sielskahaspadarčaj techniki, jakaja pastaŭlajecca ŭ Krym, biełaruskaj vytvorčaści, jana karystajecca vialikim popytam u krymskich ahraryjaŭ.
«Vizitnaja kartka Kryma ŭ sielskaj haspadarcy — naša sadavodstva, vinahradarstva, vinarobstva. I mienavita hetuju pradukcyju my hatovyja adpraŭlać u Biełaruś», — skazaŭ namieśnik ministra.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary