Анексаваны Расіяй Крым летась паставіў у Беларусь сельскагаспадарчай прадукцыі на два мільёны даляраў — у асноўным гэта было крымскае віно, паведаміў намеснік міністра сельскай гаспадаркі Крыма Арсен Арзіеў, піша «Спутнік».
«У цэлым Рэспубліка Крым са сваім аграпрамысловым патэнцыялам цесна супрацоўнічае з Беларуссю. Па выніках 2022 года з Рэспублікі Крым накіравана ў Беларусь прадукцыі больш чым на два мільёны даляраў. Гэта вінаробная прадукцыя, якая ёсць нашай візітнай карткай», — заявіў журналістам намеснік міністра сельскай гаспадаркі Крыма.
Крым таксама пастаўляе ў Беларусь прадукцыю птушкагадоўлі, іншыя тавары.
Гаворачы пра беларускі экспарт у Крым, Арсен Арзіеў адзначыў, што рэгіён актыўна ўзаемадзейнічае з МТЗ і Гомсельмашам.
«Штогод нам пастаўляецца вялікая колькасць беларускай сельскагаспадарчай тэхнікі», — сказаў Арзіеў.
Паводле яго слоў, да 25 працэнтаў сельскагаспадарчай тэхнікі, якая пастаўляецца ў Крым, беларускай вытворчасці, яна карыстаецца вялікім попытам у крымскіх аграрыяў.
«Візітная картка Крыма ў сельскай гаспадарцы — наша садаводства, вінаградарства, вінаробства. І менавіта гэтую прадукцыю мы гатовыя адпраўляць у Беларусь», — сказаў намеснік міністра.
Былы палітвязень з жонкай адкрылі краму сувеніраў — як ідзе справа?4
Каментары