Pahladzieli, jakija nadzimanyja i karkasnyja basiejny možna kupić u Biełarusi.
Da 700 rubloŭ za basiejn
Samyja dastupnyja basiejny — nadzimanyja, ceny na «darosłyja» pamiery pačynajucca ad 80 rubloŭ. Stolki kaštuje basiejn dyjamietram 244 sm i vyšynioj 61 sm. Dla jaho napaŭnieńnia spatrebicca biez małoha dźvie tony vady.
Basiejn dyjamietram try mietry kaštuje ŭžo amal 120 rubloŭ.
Dalej u zaležnaści ad pamieru i składanaści kanstrukcyi ceny iduć uvierch.
Samyja darahija nadzimanyja basiejny kaštujuć kala 600—700 rubloŭ. Dyjamietr takich basiejnaŭ 4,5 mietra. Vyšynia (hłybinia) u zaležnaści ad madeli składaje 107—122 sm.
Dla napaŭnieńnia takich basiejnaŭ spatrebicca 12—14 tysiač litraŭ vady. Jany iduć u kamplekcie ź leśvicaj i filtr-pompaj mahutnaściu 3 785 ł/h.
Amatary džakuzi mohuć nabyć nadzimanyja basiejny-džakuzi. Kaštujuć takija devajsy ad 1700 da 3000 rubloŭ.
Jany majuć pompu, jakaja filtruje, aeracyjnyja farsunki, nahravalnik i ŭbudavany źmiakčalnik vady.
Da 10 mietraŭ daŭžynioj
Karkasnyja basiejny prykmietna daražejšyja za nadzimanyja. Ceny na ich pačynajucca sa 170 rubloŭ za nievialiki basiejn pamieram 244x51 santymietraŭ. Basiejn pamieram 305x76 santymietraŭ kaštuje ŭžo 270 rubloŭ.
Pa canie adnaho z samych darahich nadzimanych basiejnaŭ možna nabyć karkasny pramavuholnaj formy pamieram 450x220 santymietraŭ. Jaho maksimalnaja hłybinia składaje 84 sm.
U adroźnieńnie ad nadzimanych basiejnaŭ, karkasnyja nie majuć takich strohich abmiežavańniaŭ pa pamierach, tamu i ceny na ich vielmi roznyja. Ceny na niekatoryja karkasnyja basiejny dasiahajuć adznaki 5000 rubloŭ. Dla ich zapaŭnieńnia spatrebicca bolš za 50 ton vady. Samyja vysokija ź ich majuć hłybiniu 132 santymietry. U takich basiejnach možna nie tolki achaładzicca ŭ śpiakotnaje nadvorje, ale i papłavać. Daŭžynia «darožki» składaje amal 10 mietraŭ, a šyrynia — 5.
Karkasnyja džakuzi taksama isnujuć, kaštujuć takija devajsy biez małoha 4 tysiačy rubloŭ.
Kamientary