Padalak prakamientavaŭ infarmacyju pra «zamach» na Simańjan i Sabčak
Daradca kiraŭnika Ofisa prezidenta Ukrainy Michaił Padalak zajaviŭ, što rasijskaja prapahandystka Marharyta Simańjan i televiadučaja Ksienija Sabčak «ni na što nie ŭpłyvajuć», a tamu ŭkrainskija śpiecsłužby nie mahli płanavać zamach na ich.
«Jany nam absalutna dakładna nie patrebnyja. Jany ni na što nie ŭpłyvajuć. Jany nie adyhryvajuć siońnia niejkuju važnuju rolu ŭ tym, što adbyvajecca, ni ŭ ramkach vajny ŭ cełym, ni ŭ ramkach straty Rasijaj pazicyj u hłabalnym sensie. Jany pazbaŭlenyja sensu», — pryvodzić słovy Padalaka na telemarafonie «UP».
FSB RF zajaviła, što nibyta praduchiliła padrychtoŭku «ŭkrainskimi śpiecsłužbami» zabojstva Marharyty Simańjan i Ksienii Sabčak.
Zatrymanyja rasijanie zajavili ŭ FSB, što nibyta rychtavali zamachi «pa zadańni SBU» za ŭznaharodu ŭ pamiery 1,5 młn rubloŭ za kožnaje zabojstva.
Basmanny sud Maskvy aryštavaŭ siemiarych siabroŭ rasijskich nacyjanalistyčnych arhanizacyj, jakija nibyta padazrajucca ŭ zamachu na prapahandystku Marharytu Simańjan i televiadučuju Ksieniju Sabčak. Paplečniki zatrymanych zajaŭlajuć pra katavańni.
Raniej FSB zajaŭlała pra zryŭ padrychtoŭki zamachu na teleprapahandystaŭ Sałaŭjova, Kisialova, Skabiejevu, Papova i inšych.
Łukašenka pryznaŭ, što maje patrebu ŭ adpačynku i što vialikaja kolkaść ludziej jaho praklinaje31
Kamientary