PVK «Vahnier» paśla buntu raspuskaje ŭsich byłych źniavolenych pa damach — «Važnyje istorii»
Kamandavańnie PVK «Vahnier» vyrašyła adpuścić dadomu ŭsich byłych źniavolenych ź liku najmitaŭ hrupoŭki. Mnohija raniej asudžanyja bajeviki ciapier znachodziacca ŭ hatelach Anapy ŭ čakańni pamiłavańnia. Pra heta daviedałasia vydańnie «Važnyje istorii», vyvučyŭšy paviedamleńni svajakoŭ najmitaŭ PVK i pradstaŭnikoŭ hrupoŭki ŭ ich zakrytych čatach.
«Usich vyvieźli da kanca kantrakta ŭ Anapu, raniej nie adpuściać, dzień u dzień! […] Uvieś prajekt K (tak unutry PVK nazyvajuć sistemu viarboŭki źniavolenych u kałonijach. — Zaŭv. «Važnych istorij») zakryŭsia», — piša pradstaŭnica PVK «Vahnier».
Niekatorych mohuć nibyta adpuścić i da zakančeńnia kantrakta z PVK.
«Telefanavaŭ muž, skazaŭ, što ciaham tydnia ŭsie jany buduć adpraŭlenyja dadomu, pamiłavańnie pryjšło. Navat u kaho ŭ žniŭni kančajecca kantrakt — usio roŭna pajeduć dadomu raniej. Heta pra tych, chto z kałonij», — piša svajačka adnaho z eks-źniavolenych.
Inšaja svajačka zajaviła, što źniavolenych chočuć adpuścić z hatelaŭ da 29 lipienia.
Znachodžańnie eks-źniavolenych u hatelach Anapy «Važnym istorijam» paćvierdzili svajaki čatyroch najmitaŭ.
Pa słovach adnoj z takich svajačak, usich źniavolenych adpuściać z hatelaŭ dadomu, a dalej jany pry žadańni zmohuć pradoŭžyć kantrakt z PVK, kab pajechać u Biełaruś ci Afryku.
Ale spačatku im treba źjechać u adpačynak dadomu na 14—45 dzion, udakładniła dziaŭčyna. Jana adznačyła, što byłyja źniavolenyja žyvuć u cełym hatelnym kompleksie.
Adna z udzielnic čata paviedamiła, što ŭ hatelach ciapier žyvie kala 400 vahnieraŭcaŭ. Eks-źniavolenych nie vypuskajuć za terytoryju hatelaŭ, pakul jany nie atrymajuć pamiłavańnie i vypłaty. Niekatoryja najmity siadziać u hatelach užo dva miesiacy, raspaviała inšaja svajačka bajevika žurnalistu.
Vierahodna, havorka idzie pra najmitaŭ, jakija vyjšli z zony bajavych dziejańniaŭ da buntu — u Krasnadarskim krai jany i raniej prachodzili reabilitacyju.
Raniej telehram-kanał Astra pisaŭ, što najmity PVK «Vahnier» zaniali bolšaść hatelaŭ u Krasnadary. Ciapier tudy rehularna pryjazdžajuć palicejskija i rashvardziejcy, bo vahnieraŭcy-kryminalniki ładziać bojki i pahromy.
Kamientary
Biełaruś - haračaja kropka, jak Afryka !?