Amierykanskaja raźviedka ličyć, što rasijskaja jadziernaja zbroja ŭžo ŭ Biełarusi — CNN
Raźviedka ZŠA ŭpeŭnienaja, što častka rasijskaj taktyčnaj jadziernaj zbroi ŭžo pierapraŭlenaja ŭ Biełaruś. Pra heta paviedamlaje CNN.
Vysokapastaŭlenyja funkcyjaniery amierykanskaj raźviedki zajavili nievialikaj hrupie reparcioraŭ u piatnicu, što ŭ analitykaŭ niama padstaŭ sumniavacca, što rasijanie «dasiahnuli peŭnaha pośpiechu» ŭ pieradačy ŭ Biełaruś jadziernaj zbroi.
Praŭda, čynoŭniki nie stali raskryvać, čamu jany tak ličać. Pry hetym jany pryznali, što amierykanskaj raźviedvalnaj supolnaści składana adsačyć hetuju zbroju navat praz spadarožnikavyja zdymki.
Raniej amierykanskija i inšyja zachodnija aficyjnyja asoby zajaŭlali, što, vidać, Biełaruś nie skončyła madernizacyi nieabchodnych schoviščaŭ dla raźmiaščeńnia taktyčnaj jadziernaj zbroi i što dastupnyja spadarožnikavyja zdymki nie pakazvajuć nijakich prykmiet padrychtoŭki i biaśpieki, jakija byli b standartnymi na rasijskim jadziernym abjekcie.
U kožnym razie amierykanskaja raźviedka nie vieryć, što kantralavać jadziernuju zbroju budzie Alaksandr Łukašenka. Taksama jana ŭpeŭnienaja, što jadziernaja zbroja ŭ Biełarusi nie «źmienić hłabalnaha raskładu sił ci pavysić ryzyku jadziernaha ŭdaru, tak jak jana budzie zachoŭvacca na składzie, a nie vykarystoŭvacca na pieradavoj».
Fiederacyja amierykanskich navukoŭcaŭ nie znajšła paćviardžeńniaŭ zavozu jadziernaj zbroi ŭ Biełaruś
Łukašenka nazvaŭ užo novyja terminy pastaŭki ŭ Biełaruś jadziernaj zbroi. Jany ŭvieś čas ssoŭvajucca
Jadziernaja hulnia Pucina i Łukašenki: u čym ža budzie rola biełarusaŭ i jakija mohuć być jaje nastupstvy?
«Kadebist u čornych skuranych palčatkach zadavaŭ pytańni, i kali ja nie adkazvała, pačynaŭ mianie dušyć»11
Kamientary