Амерыканская разведка лічыць, што расійская ядзерная зброя ўжо ў Беларусі — CNN
Разведка ЗША ўпэўненая, што частка расійскай тактычнай ядзернай зброі ўжо перапраўленая ў Беларусь. Пра гэта паведамляе CNN.
Высокапастаўленыя функцыянеры амерыканскай разведкі заявілі невялікай групе рэпарцёраў у пятніцу, што ў аналітыкаў няма падстаў сумнявацца, што расіяне «дасягнулі пэўнага поспеху» ў перадачы ў Беларусь ядзернай зброі.
Праўда, чыноўнікі не сталі раскрываць, чаму яны так лічаць. Пры гэтым яны прызналі, што амерыканскай разведвальнай супольнасці складана адсачыць гэтую зброю нават праз спадарожнікавыя здымкі.
Раней амерыканскія і іншыя заходнія афіцыйныя асобы заяўлялі, што, відаць, Беларусь не скончыла мадэрнізацыі неабходных сховішчаў для размяшчэння тактычнай ядзернай зброі і што даступныя спадарожнікавыя здымкі не паказваюць ніякіх прыкмет падрыхтоўкі і бяспекі, якія былі б стандартнымі на расійскім ядзерным аб'екце.
У кожным разе амерыканская разведка не верыць, што кантраляваць ядзерную зброю будзе Аляксандр Лукашэнка. Таксама яна ўпэўненая, што ядзерная зброя ў Беларусі не «зменіць глабальнага раскладу сіл ці павысіць рызыку ядзернага ўдару, так як яна будзе захоўвацца на складзе, а не выкарыстоўвацца на перадавой».
Цяпер чытаюць
Усіх студэнтак беларускіх ВНУ абавязалі тэрмінова запоўніць анкету з пазначэннем свайго росту40
Каментары