Za dzieviać miesiacaŭ štomiesiačnyja spažyvieckija raschody na adnu chatniuju haspadarku ŭ siarednim vyraśli na 11,2% — da 1 młn. 126,5 tys. rubloŭ.
Za dzieviać miesiacaŭ 2009 hoda ŭ Biełarusi spažyvieckija raschody na adnu chatniuju haspadarku ŭ siarednim skłali 1 młn. 126,5 tys. rubloŭ na miesiac. Heta na 11,2% bolš, čym za anałahičny minułahodni pieryjad, paviedamlaje pres‑słužba Nacyjanalnaha statystyčnaha kamiteta.
Vydatki na pradukty charčavańnia chatnich haspadarak skłali ŭ siarednim 457,3 tys. rubloŭ na miesiac (na 9,5% bolš, čym za anałahičny minułahodni pieryjad), na ałkahol — 24,3 tys. (na 1,7% bolš), niecharčovyja tavary — 381,5 tys. (na 9% bolš), apłatu pasłuh — 263,4 tys. rubloŭ (na 19% bolš).
Danyja vybaračnaha abśledavańnia pakazali,
što za studzień— vierasień 2009 hoda najaŭnyja resursy chatnich haspadarak Biełarusi skłali ŭ siarednim 1,5 młn. rubloŭ na miesiac.
Heta na 14% u realnym vyražeńni vyšej, čym za anałahičny minułahodni pieryjad pry roście spažyvieckich cen na tavary i pasłuhi za hety pieryjad na 13,9%.
Najaŭnyja resursy — heta hrašovyja srodki chatnich haspadarak plus košt spažytych praduktaŭ charčavańnia, jakija pastupili z ŭłasnaj padsobnaj haspadarki (za vylikam materyjalnych vydatkaŭ na ich vytvorčaść). Siudy ž uvachodzić košt ilhot i datacyj u naturalnym vyražeńni.
Najaŭnyja resursy ŭ raźliku na člena chatniaj haspadarki za hety pieryjad skłali 598,6 tys. rubloŭ u miesiac, u chatnich haspadarkach bieź dziaciej — 676,2 tys. rubloŭ na miesiac, u chatnich haspadarkach z adnym dziciem — 558,8 tys. rubloŭ, z dvuma dziećmi — 479 tys. rubloŭ, z tryma i bolš dziećmi — 337,6 tys. rubloŭ. U haradach i pasiołkach haradskoha typu siaredniedušavyja najaŭnyja resursy ŭ 1,2 razu pieravysili ŭzrovień siaredniedušavych najaŭnych resursaŭ sielskich žycharoŭ i skłali adpaviedna 626,7 tys. rubloŭ i 517,6 tys. rubloŭ na miesiac.
Dola małazabiaśpiečanych chatnich haspadarak z uzroŭniem dachodu nižej za biudžet pražytačnaha minimumu skłała 3,8%, u haradach i pasiołkach haradskoha typu — 3,1%, u sielskich nasielenych punktach — 5,6%. Dla paraŭnańnia: za dzieviać miesiacaŭ 2008 hoda było adpaviedna 4,2%, 3,4% i 5,8%. U struktury małazabiaśpiečanych chatnich haspadarak asnoŭnuju častku (71,9%) składajuć chatnija haspadarki, jakija majuć dziaciej va ŭzroście da 18 hadoŭ, 22,1% — chatnija haspadarki bieź dziaciej i 6% — chatnija haspadarki, jakija składajucca z adnaho čałavieka.
Ciapier čytajuć
«Nabližajecca momant pierałomu situacyi». Vadzim Kabančuk pra płan dla biełarusaŭ6
«Nabližajecca momant pierałomu situacyi». Vadzim Kabančuk pra płan dla biełarusaŭ
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1616
Kamientary