Prezident Ukrainy vystupiŭ z nahody Dnia ŭkrainskaj dziaržaŭnaści pad ścienami Michajłaŭskaha Złatavierchaha manastyra ŭ Kijevie i ŭznaharodziŭ ukrainskich abaroncaŭ.
«Siońnia my adznačajem Dzień dziaržaŭnaści — užo druhi raz va ŭmovach poŭnamaštabnaj vajny. Usie imkniemsia, kab naleta my adznačali hety dzień hetak ža ŭ svabodnaj stalicy, ale ŭžo ź pieramohaj», — cytuje Uładzimira Zialenskaha «Ukrainskaja praŭda».
… Bolš čym tysiačahadovaja historyja našaj dziaržaŭnaści kaža, što treba mienavita pieramahać. Nie spyniacca, a pieramahać, nie tarhavacca, a pieramahać, nie spadziavacca na kapryz losu, a pieramahać i budavać takuju mocnuju dziaržavu, kab jaje patencyjał i zdolnaść siabie abaranić, viera našych ludziej u siabie, zbroja ŭ rukach ukraincaŭ i adzinstva ŭsich razam u dziaržavie harantavali zachavańnie dziaržaŭnaści Ukrainy i niepaŭtornaść ahresii suprać našaj dziaržavy.
«My nie vierym, što Rasija nie zachoča viarnucca z ahresijaj navat paśla taho, jak my vyhanim akupantaŭ z usioj našaj ziamli. Ale pieramoha Ukrainy moža i maje być takoj, kab lubyja sproby voraha viarnucca nie išli dalej za chvoruju fantaziju tych varjataŭ, što vynošvajuć takija płany», — skazaŭ prezident Ukrainy.
Zialenski miarkuje, što dziaržaŭnaść chtości moža ŭsprymać tolki jak zarobak, pahoniu za ŭładaj, svaimi ambicyjami, a dla inšych — mocnych i čystych — dziaržaŭnaść stanovicca najvyšejšaj achviaraj — žyćciom, jakoje hieroi addajuć dziela svabody Ukrainy.
Na mierapryjemstvie taksama prysutničali hałoŭnakamandujučy USU Valeryj Załužny, staršynia Viarchoŭnaj Rady Rusłan Stefančuk, premjer-ministr Dzianis Šmyhal, ministr abarony Alaksiej Reźnikaŭ, kiraŭnik MUS Ihar Klimienka, kiraŭnik HUR Kirył Budanaŭ, sakratar RNBA Alaksiej Daniłaŭ, kiraŭnik Ofisa prezidenta Andrej Jarmak i inšyja.
-
«Jak heta pradavać — zrazumieła». U Rasii raskazali pra pahłynańnie Biełarusi jak «elemient paślavajennaj realnaści»
-
Za pretenzijami Trampa na Panamu, Kanadu i Hrenłandyju moža chavacca tonki pieramoŭny raźlik
-
Byłomu ministru finansaŭ Hiermanii špurnuli ŭ tvar tort. Jon spačatku pažartavaŭ, a potym zasmuciŭsia
Kamientary