Pra toje, što palitźniavolenuju Palinu Šarendu-Panasiuk pieraviali ŭ SIZA-3 horada Homiela, paviedamiŭ u fejsbuku jaje muž Andrej Šarenda.
«Palina nie vyjdzie na volu 6 žniŭnia pa skančeńni terminu. Siońnia jaje pieraviali ŭ SIZA-3 horada Homiela. Čarhovy ciažki etap pačynaje čarhovy «hod surka».
U SIZA Palina budzie da «suda», jaki vypiša dla jaje čarhovy hod katavańniaŭ i ździekaŭ. Termin źniavoleńnia dla Paliny kančatkova staŭ biaskoncym, jak dzień surka ŭ viadomym filmie», — napisaŭ Andrej.
Palinu Šarendu-Panasiuk zatrymali na pačatku studzienia 2021 hoda i asudzili na dva hady pazbaŭleńnia voli, abvinavaciŭšy va ŭžyvańni hvałtu ŭ dačynieńni da milicyjantaŭ i ich abrazie, a taksama ŭ abrazie Alaksandra Łukašenki. Na volu jana miełasia vyjści letam minułaha hoda.
Ale letaś jaje asudzili pa art. 411 KK da jašče adnaho hoda kałonii. U krasaviku 2023 hoda suprać žančyny zaviali ŭžo novuju spravu — za «złosnaje niepadparadkavańnie administracyi kałonii».
Ciapier čytajuć
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3434
Kamientary