Što budzie z płanam «Pieramoha», kali Azarava vyklučać z Kabinieta
Hetyja dni Kaardynacyjnaja rada zasłuchvaje spravazdačy pradstaŭnikoŭ Abjadnanaha pierachodnaha kabinieta. Šmat pytańniaŭ było da Alaksandra Azarava — jaho milicejskaha minułaha, raskołu ŭ «Bajpole». Spytali jaho i pra toje, što budzie z płanam «Pieramoha» ŭ vypadku, kali Azarava vyklučać z Kabinieta.
«Płan składzieny «Bajpołam» i płan zastaniecca ŭ «Bajpole», — adkazaŭ Azaraŭ.
Dniami prajšła čarhovaja chvala zatrymańniaŭ ludziej, jakich vinavaciać u rehistracyi ŭ płanie «Pieramoha». HUBAZiK śćviardžaŭ, što źviestki im «źliŭ» Maćviej Kuprejčyk, adzin z kiraŭnikoŭ arhanizacyi «Biełpoł», jakaja ŭtvaryłasia paśla raskołu «Bajpoła».
Ale źviestak z płana «Pieramoha» ŭ jaho nikoli nie było: jany całkam zastalisia ŭ «Bajpole» na čale z Alaksandram Azaravym. Heta vyhladaje, jak spłanavany ŭkid śpiecsłužbaŭ, nakiravany na dyskredytacyju abodvuch abjadnańniaŭ byłych siłavikoŭ, a taksama Abjadnanaha pierachodnaha kabinieta.
Łukašenkaŭcy pryznali płan «Pieramoha» terarystyčnaj arhanizacyjaj. Pavodle słoŭ Azarava, tudy zapisalisia 200 tysiač čałaviek.
Ci zastaniecca Azaraŭ u Abjadnanym pierachodnym kabiniecie, stanie viadoma najbližejšymi dniami.
Praŭładny kanał: Čamu Pratasieviča ŭziali na pracu, a biełarusaŭ, jakija lehalna stavili podpisy za alternatyŭnych kandydataŭ, nie biaruć?8
Kamientary