Lidary pieravarotu ŭ Nihiery zakryli pavietranuju prastoru, bajučysia ŭvarvańnia
Miaciežniki zajavili, što Uzbrojenyja siły Nihiera hatovyja da abarony krainy, a lubaja sproba parušyć pavietranuju prastoru sustrenie «enierhičny i nieadkładny adkaz».
Lidary pieravarotu ŭ Nihiery zakryli pavietranuju prastoru krainy z-za bojazi mahčymaj vajennaj interviencyi z boku susiednich dziaržaŭ, piša Bi-bi-si.
«Va ŭmovach pahrozy interviencyi, jakaja stanovicca ŭsio bolš vidavočnaj dziakujučy padrychtoŭcy susiednich krain, pavietranaja prastora Nihiera zakryvajecca ź niadzieli [ … ] dla ŭsich samalotaŭ da nastupnaha paviedamleńnia», — havorycca ŭ zajavie miaciežnikaŭ.
Raniej krainy Ekanamičnaj supolnaści zachodnieafrykanskich dziaržaŭ (EKOVAS) vystavili ŭltymatum kiraŭnikam buntu na čale z načalnikam prezidenckaj hvardyi Amaram Abdurachmanam Čyjani, prystrašyŭšy ŭžyć siłu, kali zrynuty prezident Machamied Bazum nie budzie adnoŭleny na pasadzie da viečara niadzieli.
Miaciežniki zajavili, što Uzbrojenyja siły Nihiera hatovyja da abarony krainy, a lubaja sproba parušyć pavietranuju prastoru sustrenie «enierhičny i nieadkładny adkaz».
Bazum byŭ zatrymany ŭ prezidenckim pałacy 26 lipienia, paźniej hienierał Čyjani abviaściŭ siabie novym lidaram krainy.
Zachop ułady vajskoŭcami byŭ asudžany na mižnarodnym uzroŭni, u tym liku Francyjaj i inšymi krainami ES, a taksama AAN i ZŠA.
Francyja taksama prypyniła dapamohu Burkina-Faso, ułady jakoj padtrymali miaciežnikaŭ razam z Mali.
U niadzielu tysiačy prychilnikaŭ pieravarotu sabralisia na stadyjonie imia hienierała Sejni Kunče ŭ stalicy krainy Nijamiei.
Mnohija pryjšli na stadyjon z rasijskimi ściahami, choć sama Rasija pieravarot raniej asudziła.
ZŠA padtrymali ŭltymatum afrykanskich krain prarasijskaj chuncie Nihiera. A jana spyniła ekspart uranu ŭ Francyju
«Papiaredžvać pra pačatak ataki my nie budziem». Krainy Zachodniaj Afryki zaćvierdzili płan interviencyi ŭ Nihier
Pieravarot u Nihiery: u prychilnikaŭ putčystaŭ zaŭvažyli rasijskija ściahi
Kamientary