Bankaŭskija kartki dla pajezdak za miažu. Što prapanujuć biełaruskija banki

Kartki Visa i Mastercard, jakija vydajuć biełaruskija banki, pracujuć va ŭsim śviecie, dzie pracujuć sami sistemy, tamu ź imi možna biez prablem padarožničać pa Jeŭropie. A voś u RF mižnarodnyja kartki pieratvarajucca ŭ biessensoŭny aksiesuar. Raźličycca za pakupki na rasijskich sajtach taksama nie atrymajecca, bo ŭ Rasii nie pracujuć abiedźvie płaciežnyja sistemy.

Biełarusbank

Za kartku Visa classic z pakietam «Start» daviadziecca zapłacić 25 rubloŭ pry adkryćci ŭ adździaleńni banka i 20 rubloŭ, kali rabić heta anłajn.

Siarod bonusaŭ — biaspłatnaje SMS-apaviaščeńnie i manibek u 1%.

Tym, chto šmat padarožničaje ci prosta časta jeździć u Jeŭropu, možna pryhladziecca da kartki Mastercard z kłuba «Kart-błanš».

Kali rabić jaje ŭ adździaleńni banka, to jana budzie kaštavać 70 rubloŭ, a ŭ vyniku afarmleńnia anłajn — 60 rubloŭ. Manibek pry pakupkach u miežach Biełarusi — 0,5%, za zamiežnyja pakupki — 1%. Taksama praduhledžany manibek pamieram 2% pry braniravańni hatela abo kupli transpartnych kvitkoŭ za miažoj. Pry kupli kvitkoŭ na ciahniki Biełaruskaj čyhunki viartajecca 5%.

Kartki ad Biełarusbanka musiać być hatovyja praź siem pracoŭnych dzion. Termin dziejańnia — try hady.

Biełhazprambank

Kartku dla pajezdak za miažu možna adkryć i ŭ Biełhazprambanku. Jana budzie pracavać paŭsiul, aproč Rasii, Ukrainy i Kryma.

Kartku Visa možna adkryć tolki praz asabisty kabiniet, a Mastercard — u adździaleńni banka. Kartku abiacajuć vydać adrazu paśla afarmleńnia. Za Visa daviadziecca zapłacić 25 rubloŭ, za Mastercard — 30.

Rachunak možna adkryvać u jeŭra abo dalarach ZŠA. Kali vy źbirajeciesia raźličvacca kartkaj u krainach Jeŭrazony, to lepiej vybirać jeŭra. U takim vypadku nie budzie nijakaj kanviersii.

Za źniaćcie najaŭnych za miažoj biaruć kamisiju 3,5% ad sumy, ale nie mieniej za šeść biełaruskich rubloŭ. Nijakich prahram z manibekam za miažoj, jak u Biełarusbanka, u Biełhazprambanku niama.

Alfa-Bank

U Alfa-Banku taksama možna zavieści kartku, jakoj možna raźličvacca ŭ Jeŭropie.

Adkryćcio rachunku i vydača kartki biaspłatnyja. Minimalnaja suma za absłuhoŭvańnie — 4,9 rubla za miesiac. Ale i hetaha płaciažu možna paźbiehnuć, kali ciaham miesiaca budzie praviedziena nie mienš za 15 tranzakcyj abo kali traty pieravysiać 250 rubloŭ.

Zdymać najaŭnyja pa ŭsim śviecie biez kamisii možna da 250 dalaraŭ abo jeŭra za miesiac. Paśla pieravyšeńnia miesiačnaha limitu za źniaćcie najaŭnych za miažoj bank budzie brać kamisiju pamieram 3,5%, ale nie mienš za čatyry rubli.

Dasiažny kešbek u pamiery 1% pa prahramie «Płaci i nakoplivaj».

Pavialičyć

Pryjorbank

Afarmleńnie kartki ŭ Pryjorbanku kaštuje 100 rubloŭ niezaležna ad taho, ci heta budzie Visa, ci Mastercard. Zajaŭku možna aformić pra sajt banka. Płaciež adnarazovy. Kartka vydajecca na čatyry hady. Bolš nijakich kamisij za absłuhoŭvańnie nie praduhledžana.

Kamisija za źniaćcie najaŭnych za miažoj 3%, ale nie mienš za siem rubloŭ.

Biełahraprambank

Kartki Visa classic i Mastercard standart adkryvajuć za 35 rubloŭ praz mabilnuju prahramu abo sajt i za 40 rubloŭ u adździaleńni banka. Kartki Biełahraprambank vydaje terminam na šeść hadoŭ.

Kamisija za zaniaćcie najaŭnych u bankamatach za miažoj — 3,5%, ale nie mienš za piać jeŭra, kali havorka idzie pra kartku ŭ hetaj valucie. Kartki buduć hatovyja praź dziesiać dzion paśla afarmleńnia zamovy.

Aproč vyšejapisanych bujnych bankaŭ, mižnarodnyja kartki možna aformić i ŭ inšych bankach. Hałoŭnaje adroźnieńnie — u zborach za adkryćcio kartki, źniaćcie najaŭnych za miažoj, a taksama ŭ najaŭnaści abo adsutnaści manibeka za raźliki ŭ inšych krainach.

• 5
• 0
• 0
• 2
• 3