Apache, Abrams, HIMARS i h. d. Minabarony Polščy płanuje surjoznaje ŭmacavańnie miažy ź Biełaruśsiu i zakryćcio «Bresckaj bramy»
Taksama stała viadoma, jakija mienavita polskija ŭzbrajeńni zaraz stajać kala Biełarusi.
Polšča płanuje pabudavać «niepieraadolny barjer» na miažy ź Biełaruśsiu pry dapamozie sučasnaj amierykanskaj vajskovaj techniki. Pra heta 12 žniŭnia polskamu ahienctvu TVP Info paviedamiŭ kiraŭnik ministerstva nacyjanalnaj abarony Polščy Maryjuš Błaščak.
Pa słovach ministra, asnovu hetaha barjera składuć amierykanskija viertaloty Apache, tanki Abrams, reaktyŭnyja ŭstanoŭki HIMARS i inšyja vidy ŭzbrajeńniaŭ, jakija masava zakuplaje Polšča.
Najaŭnaść takoj vajskovaj techniki, jak zapeŭnivaje Błaščak, dazvolić polskaj armii całkam zabłakavać «Bresckuju bramu» — učastak polska-biełaruskaj miažy šyrynioj 80 kiłamietraŭ pamiž rekami Buh i Naraŭ, jakaja ŭjaŭlaje saboj raŭninnuju i hieahrafična słaba abaronienuju miascovaść kala Bresta.
«Na nastupnym tydni my čakajem kančatkovaha rašeńnia Kanhresa ZŠA ab pradastaŭleńni nam viertalotaŭ Apache. Jany sumiesna z tankami Abrams składuć niepieraadolny barjer, pry dapamozie jakoha my płanujem zakryć «Bresckuju bramu» z metaj umacavańnia našaj biaśpieki», — raspavioŭ ministr abarony Polščy Maryjuš Błaščak.
Akramia taho, ministr raskryŭ tyja vidy vajskovaj techniki, jakija ŭžo znachodziacca na ŭschodniaj polskaj miažy kala Biełarusi. Heta paŭdniovakarejskija tanki K2 Black Panther, bajavyja samaloty FA-50, reaktyŭnyja ŭstanoŭki HIMARS i hetak dalej.
U dadzieny momant polskija abaronnyja zamovy vyličajucca tysiačami sučasnych vidaŭ techniki. Naprykład, tolki adnych sistem HIMARS było zamoŭlena zvyš 500 štuk. Taksama było zakuplena 96 viertalotaŭ Apache i 116 tankaŭ Abrams, pieršyja partyi jakich užo prybyli ŭ Polšču i buduć raźmieščany pieravažna na polska-biełaruskaj miažy.
I ŭ dadatak da hetaha jašče niadaŭna Polšča zajaviła ab adpraŭcy 10 tysiač sałdat na achovu miažy ź Biełaruśsiu, a taksama ab praviadzieńni śpiecyjalnaj apieracyi Rengaw pa navučańni miascovych sił abarony.
Usie vyšejpieraličanyja dziejańni Polščy źjaŭlajucca adkazam na rasijskaje ŭvarvańnie va Ukrainu, a taksama hibrydnyja i infarmacyjnyja ataki režymu Łukašenki na krainy ES pry dapamozie nielehalnych mihrantaŭ, rasijskaj jadziernaj zbroi i najmitaŭ PVK «Vahnier».
U Polščy adkazali Pucinu, jaki nazvaŭ jaje zachodnija terytoryi «padarunkam Stalina»
«Kitaj pavinien pasłać Łukašenku adpaviedny sihnał». U Polščy dapuskajuć zakryćcio čyhunačnych pierachodaŭ ź Biełaruśsiu
«Nanieści previentyŭny ŭdar pa Varšavie». Prapahandysty pužajuć, što palaki chočuć napaści na Biełaruś
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka8
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii3434
Kamientary