Zdymak ilustracyjny. Fota: Mihir Joshi / vecteezy.com
Pad vielmi vysokimi stolami hipiermarkietaŭ časam možna pabačyć vierabjoŭ ci navat hałuboŭ. Jany zvyčajna biez prablem traplajuć pad sklapieńni vialikich budynkaŭ i vielmi kamfortna tam siabie adčuvajuć.
U homielskim hipiermarkiecie na vulicy Haharyna vierabji adčuvali siabie zusim raskošna. Užo niekalki hadoŭ u sacsietkach rehularna źjaŭlajucca videa, dzie ptuški raz-poraz łasujucca śviežaj harodninaj, jahadami i kraduć čas ad času ŭ kramie arechi abo krupy.
Hetymi dniami chtości z pakupnikoŭ napisaŭ u sanstancyju skarhu na ptušak, jakich «utrymlivajuć u hipiermarkiecie».
U adkaz na heta z metaj «likvidavać parušeńnie sanitarnych normaŭ i praviłaŭ» supracoŭniki ŭpraŭleńnia handlu i pasłuh Homielskaha harvykankama razam z supracoŭnikami Homielskaha haradskoha centra hihijeny i epidemijałohii «praviali nahladnyja mierapryjemstvy» i sapraŭdy «vyjavili tam fakt utrymańnia ptušak».
U spravazdačy čynoŭnikaŭ ab praviedzienaj pracy adznačana, što ptušak, jakija «byli ŭ kramie na ŭtrymańni», «złavili i adpuścili ŭ naturalnaje asiarodździe pražyvańnia».
Pry hetym na administracyju hipiermarkieta zaviali spravu pavodle administracyjnaha artykuła 17.5 (parušeńnie sanitarna-epidemijałahičnych patrabavańniaŭ), štraf pavodle jakoha praduhledžany da 30 bazavych vieličyń, to-bok 1 110 biełaruskich rubloŭ.
Praŭda, zusim vyhnać ptušak z takich budynkaŭ składana, a administracyju hetaha samaha hipiermarkieta niadaŭna ŭžo štrafavali za hetych samych vierabjoŭ. Ci zmohuć jany dać rady prablemie ŭ budučyni — pakaža čas.
Čytajcie taksama:
Ludhier i Lina stanoviacca na kryło. Tak nazvali niamieckich hibrydnych buślaniat
Murmuracyja. La Hrodna tysiačy ptušak znoŭ zładzili niezvyčajny taniec VIDEA
