Palitviaźnia-vydaŭca Kanstancina Załatych nakiravali adbyvać prysud u navapołackuju PK-1
U navapołackuju papraŭčuju kałoniju № 1 ź minskaha SIZA byłoha dyrektara haziety «Biełorusy i rynok», asudžanaha na čatyry hady kałonii, pieraviali jašče 21 lipienia — praz dva z pałovaj tydni paśla razhladu apielacyjnaj skarhi palitviaźnia ŭ Viarchoŭnym sudzie, piša BAŽ.
Kanstancin Załatych. Fota: sacsietki
13 lipienia KDB Biełarusi dadaŭ Kanstancina ŭ śpis asob, datyčnych da «terarystyčnaj dziejnaści». Heta aznačaje, što jamu zabaroniena atrymlivać u kałonii hrašovyja pieravody. Naŭzdahon, 21 lipienia, MUS uniesła palitviaźnia ŭ śpis «ekstremistaŭ».
Kanstancina Załatych zatrymali 18 maja 2022 hoda. Jaho asudzili na čatyry hady kałonii pa nastupnych abvinavačańniach:
- art. 369 — «Abraza pradstaŭnika ŭłady»;
- art. 368 — «Abraza Łukašenki»;
- art. 130 — «Raspalvańnie varožaści ci varažniečy»;
- art. 426 — «Pieravyšeńnie ŭłady ci słužbovych paŭnamoctvaŭ».
Padtrymajcie palitviaźnia: PK №1, 211440, Navapołack, Techničnaja, 8, Kanstancin Uładzimiravič Załatych.
Kamientary