«Hremliny z Kramla». Azaronak źniaŭsia ŭ rasijskim klipie na pieśniu pra «Vahnier»
Rasijski repier Akim Apačaŭ i śpiavačka Julija Čyčeryna, jakija padtrymlivajuć vajnu i Pucina, zapisali klip na pieśniu «Who is Mr. Wagner?». U videa milhaje znajomy tvar biełaruskaj prapahandy.
Pieśnia vykonvajecca pa-anhielsku z mocnym ruskim akcentam. U joj śpiavajecca, pra «ruskich hremlinaŭ z Kramla», jakim ničoha tak nie padabajecca, jak psavać samaloty F-16. «Ruskija hanhstary» — tak nazyvajuć vahnieraŭcaŭ u pieśni.
U klipie źniaŭsia prapahandyst Ryhor Azaronak. A taksama biełaruskija vajskoŭcy, jak vynikaje sa słoŭ Apačava.
U kadry i Siarhiej Łušč, prarasijski aktyvist, były kiraŭnik likvidavanaha ŭładami «Rumoła».
«Dziakujem za dapamohu ŭsim našym biełaruskim siabram, bajcam hrupy «Vahnier», vajskoŭcam US RB i US RF», — napisaŭ jon.
Repier biaduje, što klip musiŭ vyjści «ŭ inšy čas, ź inšym mantažom i ź inšaj nahody», ale realnaść uniesła svaje karekciroŭki.
Nahadajem, samalot z kiraŭnikom «Vahniera» Jaŭhienam Pryhožynym raźbiŭsia ŭ Ćviarskoj vobłaści 23 žniŭnia. Učora prajšło zakrytaje pachavańnie Pryhožyna. Jaho pachavali ŭ Sankt-Pieciarburhu na padkreślena nieprestyžnych Parachaŭskich mohiłkach.
Pryhožyn i Utkin zahinuli, ich samalot raźbiŭsia nad Vałdajem. Što viadoma na hety momant
Pryhožyna pachavali ŭ Sankt-Pieciarburhu na padkreślena nieprestyžnych mohiłkach
Ludzi niasuć bukiety, dziažuryć Rashvardyja. U Pieciarburhu rychtujucca da pachavańnia lidaraŭ PVK «Vahnier». Voś što viadoma
Pucin nie pajedzie na pachavańnie hieroja Rasii Jaŭhiena Pryhožyna
«Adzinaje pytańnie, ci sapraŭdy Šajhu taki tupy». Vajskovy ekśpiert nazvaŭ svaju viersiju katastrofy samalota Pryhožyna
Na mahilnym pomniku Makieja vybili častku šyfru kalinoŭcaŭ FOTA14
Kamientary