Hrošy, sabranyja padčas marafonu «Nam nie ŭsio adno!», pačali pastupać inicyjatyvam, jakija dapamahajuć palitviaźniam
Pieršyja pieravody atrymali Dissidentby, «Kraina dla žyćcia», BY_help i Rada kultury, piša «Svaboda» sa spasyłkaju na arhanizataraŭ.
Stanam na ciapier u hetyja arhanizacyi nakiravana 63,5 tysiačy jeŭra z 557,8 tysiačy sabranych. Inšyja płaciažy — u pracesie.
Arhanizatary zboru zaznačajuć, što ŭsio robicca akuratna i pa zakonach. Pradstaŭniki inicyjatyŭ padpisvajuć damovy asabista ŭ prysutnaści nataryusa. Bank choča być upeŭnienym, što heta nie admyvańnie hrošaj, tamu patrabuje šmat dakumientaŭ. Jość i pytańnie z padatkami. Usio heta adbiraje šmat času, pryznajucca arhanizatary.
Pry ŭsich ciažkaściach nie źmianiŭsia namier arhanizataraŭ marafonu vydatkavać sabranyja srodki na pieradačy, miedycynskuju dapamohu, apłatu advakataŭ i finansavuju dapamohu siemjam palityčnych viaźniaŭ. Hrošy raźmiarkoŭvajucca siarod inicyjatyŭ, jakija niepasredna dapamahajuć palitviaźniam i ich siemjam — zychodziačy ź ich patreb.
Marafon salidarnaści z palitviaźniami prachodziŭ 29—30 lipienia — padčas jaho atrymałasia sabrać bolš za 574 000 jeŭra. Praź miesiac ułady jaho pryznali «ekstremisckim».
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary