Dziesiać pieruanskich šamanaŭ praviali abrad z metaj niejtralizacyi Niejmara. Ci spracavała?
Słužycieli kultu «Baćki Sonca» ŭźviali pablizu stadyjona ŭ Limie ałtar, kudy pakłali amulety, ściahi, miačy i fatahrafii hulcoŭ kamandaŭ, piša El Diario.
Da fatahrafii Niejmara šamany prymacavali lalku, źviazaŭšy joj levuju nahu, a ŭ pravuju ŭvatknuli mieč. Vykanaŭšy takija chitryja dziejańni, šaman Fieliks Rondan prakamientavaŭ, što adbudziecca ź Niejmaram u hulni z naščadkami inkaŭ.
«My niejtralizavali Niejmara, źviazaŭšy jamu nohi. My pryviazali jaho, kab jon nie moh biehać i dobra hulać. My zrabili śpiecyjalny rytuał, kab jaho rozum zatumaniŭsia, i jon nie moh vyznačyć, čaho jon šukaje i jakija ŭ jaho mety», — raspavioŭ zadavoleny šaman.
Ryčarlisan, Kaziemira i trenier zbornaj Fiernanda Dziniz taksama stali abjektami taho, što šamany źmiaścili na fatahrafii kalučyja raśliny i marskija rakaviny.
Matč Pieru — Brazilija skončyŭsia paru hadzin tamu. Brazilija pieramahła ź likam 1:0. Miač zabiŭ Markińjas na 90-j chvilinie ź pieradačy Niejmara.
Voś i zahadka: spracavaŭ šamanski abrad ci nie?
U papiarednim matčy suprać Balivii, dzie brazilcy razhramili apanientaŭ 5:1, u Niejmara byŭ dubl, halavy pas i navat niezabity pienalci.
A siońnia ŭ Ryšarlisana, jaki taksama staŭ abjektam uvahi šamanaŭ, była samaja nizkaja adznaka za hulniu — 6,5 bała.
Stała viadoma, chto žanich byłoj deputatki Maryi Vasilevič26
Kamientary