Na prodaž amal za 20 tysiač dalaraŭ vystavili 15-hadovy VW Passat B6. U čym jaho fiška
U Minsku pradajuć dyzielny 15-hadovy VW Passat B6 za 19 700 dalaraŭ, što vielmi doraha. Čamu za šarahovy «narodny» aŭtamabil prosiać takija hrošy?
Źniešnie hety Passat 2008 hoda vypusku ničym nie adroźnivajecca ad sotniaŭ inšych. Pad kapotam vy taksama nie znojdziecie ničoha redkaha, bo tam staić samy zvyčajny dyzielny ruchavik abjomam 2-litry. Pracuje jon u pary ź miechaničnaj karobkaj pieradač.
Sałon taksama maksimalna prosty. Dyj zvonku ničoha asablivaha, navat kalosnyja dyski tut nie lityja, a žaleznyja.
Siaredni košt takich aŭto kala 7 tysiač dalaraŭ.
Fiška hetaha aŭto nie ŭ kamplektacyi, a ŭ nadzvyčajna małym prabiehu Za 15 hadoŭ hety aŭtamabil prajechaŭ usiaho 7508 kiłamietraŭ. U siarednim heta pa 500 kiłamietraŭ na hod.
Adpaviedna, vyhladaje hety aŭtamabil jak novy. Hledziačy pa fota, prynamsi ŭ sałonie całkam adsutničajuć ślady ekspłuatacyi.
Dnišča aŭtamabila taksama vyhladaje amal jak novaje. A voś na kuzavie, niahledziačy na śmiešny prabieh, zaŭvažnyja niekatoryja niuansy. Jość drapiny na adnoj ź dźviarej, krychu paškodžany zadni bampier, jość «šturchiel» na kromcy vierchu bahažnika.
Čamu šarahovy dyzielny «Pasat» u ścipłaj kamplektacyi za 15 hadoŭ prajechaŭ tolki 7508 km — historyja zamoŭčvaje.
U apisańni paznačana, što bolšuju častku času da ciapierašniaha momantu aŭtamabil stajaŭ u haražy. Uładalnik paśla kupli nibyta karystaŭsia im niekalki razoŭ.
Hety VW Passat B6 možna nazvać «kapsułaj času», ale ŭsio adno małavierahodna, što znojdziecca niechta, hatovy vykłaści amal 20 tysiač dalaraŭ za takoje aŭto.
«Pasatam» šostaj hienieracyi jašče daloka da taho, kab stać janhtajmierami. Dyj u vypadku z masavymi aŭto kaštoŭnaść zvyčajna majuć mašyny kali nie ŭ niejkaj redkaj, to prynamsi ŭ dobraj kamplektacyi, čaho nielha skazać pra dadzieny ekzemplar.
Čytajcie taksama:
Za kolki pierapradajuć «błatnyja» aŭtamabilnyja numary? Ceny ŭražvajuć
Lehiendy z 80-ch i 90-ch: toj redki vypadak, kali ŭ Biełarusi hetyja mašyny tańniejšyja, čym u Hiermanii
-
Litoŭski viaskovy padvorak na miažy ź Biełaruśsiu vyhladaje, jak aŭtasałon pa prodažy premijalnych aŭto VIDEA
-
Pišuć listy aŭtavytvorcam i ŭ litoŭskuju mytniu. Sotni biełarusaŭ čakajuć padsankcyjnyja aŭto z ZŠA
-
U Biełarusi źmianili praviły ŭvozu aŭto z krain JEAES. Niekatorym pakupnikam daviadziecca dapłacić nie małyja hrošy
Łukašenka nie pavieryŭ Ryžankovu. Piatkievič vyhladaje procivahaj Krutomu. A Kruty — vialikaja zahadka14
Kamientary