Łukašenka daručyŭ stvaryć kamisiju, jakaja dapamoža «padniacca z kaleniaŭ»
Budzie stvorana kamisija, jakaja zojmiecca pytańniami ekspartu biełaruskich tavaraŭ.
Adpaviedny ŭkaz pavinien być padpisany ŭ chutkim časie, pieradaje BiełTA. Jak dakładna budzie nazyvacca kamisija, pakul nieviadoma, ale ŭznačalić jaje pasoł Biełarusi ŭ Rasii Dźmitryj Kruty.
«Prapisvajcie sabie narmalnyja va ŭkazie paŭnamoctvy, — skazaŭ jamu Łukašenka na naradzie. — Viadoma, heta budzie nahruzka na toj aparat, jaki ŭ vas isnuje. Ničoha, ty, jak novy čałaviek, znojdzieš tych ludziej, jakija siońnia ŭ vas niedazahružanyja abo jakija mohuć vykanać bolšy abjom pracy. Ale i tut ministraŭ, aparat urada — treba zadziejničać usich, kaho vy paličycie patrebnym».
Łukašenka zapatrabavaŭ dakładvać jamu niepasredna, kali ŭ pracy kamisii, jakuju ŭznačalić Kruty, buduć uźnikać niejkija pytańni.
«My vystajali. Ciapier treba padymacca z kaleniaŭ, — zajaviŭ Łukašenka. — Sankcyi, nie sankcyi — uvieś śviet i minieralnyja ŭhnajeńni hatovy kuplać, i naftapradukty. Navat u Rasii deficyt. I hetak dalej. Tamu niama takich tavaraŭ u Biełarusi, jakija my nie možam pradać. Prosta treba varušycca».
Kruty kaža, što kamisija budzie ŭnosić prapanovy pa pytańniach łahistyki, čyhunačnych taryfaŭ. Jon dadaŭ, što kamisija zojmiecca najpierš ekspartam u Rasiju.
Kamisija ŭ pieršuju čarhu budzie pracavać z samymi važnymi hrupami tavaraŭ. Paviedamlajecca, što budzie vyznačana 75 hałoŭnych pazicyj.
«Heta pytańnie času, ale treba saśpieć». Pucin zahavaryŭ pra adziny parłamient i valutu Biełarusi i Rasii7
«Heta pytańnie času, ale treba saśpieć». Pucin zahavaryŭ pra adziny parłamient i valutu Biełarusi i Rasii
Biełaruskija biznesmieny śpiešna pradajuć doli ŭ svaich polskich transpartnych kampanijach. Što adbyvajecca?2
Kamientary